Հայկական կողմերը պետք է օգտվեն Հաագայի դատարանի որոշումից.Արման Մելիքյան


Շ.Թորոսյան. «Վրաց իշխանություններն արմատախիլ են անում հայերենն ու հայկականը»
  

Դատարանի որոշումն օրենքի պարտադիր ուժ չի ունենա, բայց ենթադրվում է, որ լուրջ ազդեցություն կունենա Կոսովոյի և այլ դե ֆակտո պետությունների և այն տարածքների վրա, որոնք կարող են անջատվել ապագայում։ Այս մասին գրում է բրիտանական Guardian պարբերականը՝ նշելով, որ դրանից հետո իրենց անկախությունը ճանաչելու պահանջ կարող են ներկայացնել այնպիսի տարածքներ, ինչպիսիք են Լեռնային Ղարաբաղը, Հյուսիսային Կիպրոսը, Հարավային Օսիան, Աբխազիան և Մերձդնեստրը։
Մանրամասն ... 


Խորհրդաժողով <<Կատարողական արվեստի օրեր>> փառաատոնից առաջ
Հայաստանի Հանրապետության սփյուռքի նախարարության <<Մեկ ազգ , մեկ մշակույթ>> համահայկական չորրորդ փառատոնի շրջանակներում անցկացվող <<Կատարողական արվեստի օրեր>> փառատոնը կմեկնարկի հուլիսի 22-ին:
Հուլիսի 21-ին գումարվեց ՀՀ նախագահ Սերժ Սարգսյանի բարձր հովանու ներքո անցկացվող փառատոնի առաջին խորհրդակցական ժողովը: <<Մեկ ազգ, մեկ մշակույթ>> հիմնադրամի գործադիր տնօրեն եւ փառատոնի կազմակերպիչ Թամարա Պողոսյանը նշեց, որ փառատոնին մասնակցության հայտ ներկայացրածներից 50 տոկոսից ավելին արդեն ժամանել են: Ներկայացնելով փառատոնի ծրագիրը` Թ. Պողոսյանը խնդրեց հատուկ ճշգրտությամբ պահպանել ծրագրում նշված ժամանակացույցը եւ կրել փառատոնի վերնահագուստը:
Փառատոնին մասնակից խմբերի գեղարվեստական ղեկավարներին տրվեցին հատուկ ցուցումներ եւ բաժանվեցին հարցաթերթիկներ, որտեղ պատվիրակությունները կնշեն, թե Հայաստանի որ պատմական վայրերն են ցանկանում այցելել :
Թ. Պողոսյանը տեղեկացրեց նաեւ, որ շտաբում կգործի հատուկ մատյան, որտեղ փառատոնի ցանկացած մասնակից կկատարի իր գրառումը:
<<Մեկ ազգ, մեկ մշակույթ>> հիմնադրամում եւ շտաբում կգործեն հերթապահներ, որոնց հետ կարելի է կապ հաստատել հետեւյալ հեռախոսահամարներով` 53-72-83, 54-57-95:
<<Մեկ ազգ, մեկ մշակույթ>> հիմնադրամի եւ փառատոնի գեղ. ղեկ. Արմեն Մանուկյանը մանրամասն ներկայացրեց փառատոնի ծրագիրը: Նա նշեց, որ Երեւանում, մարզերում եւ Արցախում կլինեն 22 մշակութային ծրագրեր` 4 տարբեր բաժիններով: Երգչախմբային արվեստ բաժնում հանդես կգան Ֆրանսիայի Նիս քաղաքի <<Դո,Ռե,Մի>> մանկապատանեկան երգչախումբը (գեղ. ղեկ. Գայանե Հովհաննիսյան), Վանաձորի կամերային երգչախումբը (գեղ. ղեկ. Ռուզաննա Մխիթարյան) եւ Երեւանի <<Երեւան>> պետական երգչախումբը (գեղ. ղեկ. Հարություն Թոփիկյան): Դասական երաժշտության ծրագրով հանդես կգան ՀՀ սփյուռքի նախարարության հովանու ներքո ստեղծված սիմֆոնիկ նվագախումբը, Էստոնիայից, Վրաստանից, ՌԴ-ից խմբեր ու անհատ կատարողներ: <<Հայաստանը`Սփյուռքին >> խորագրով կանցկացվի համերգ, իսկ հաջորդ օրը` <<Սփյուռքը`Հայաստանին >> համերգ-միջոցառումը Գ. Սունդուկյանի անվան ազգային ակադեմիական թատրոնի շենքում: Բացի այդ, երկու համերգային ծրագիր կանցկացվի նաեւ զորամասերում: Պարոն Մանուկյանը տեղեկացրեց նաեւ, որ Երեւանի Շ. Ազնավուրի անվան հրապարակում տեղադրված բեմահարթակում կկայանա համերգային ծրագիր, որին կմասնակցեն հանրապետության լավագույն խմբերը, համույթները եւ մենակատարները: Անդրադառնալով թատերախմբերին, նա նաեւ տեղեկացրեց, որ Հայաստան են ժամանել Իրանի Հայ Մշակութային <<Արարատ>> միության <<Արամայիս Աղամալյանի>> անվան թատերախումբը, Վրաստանի <<Նինոծմինդայի>> ժողովրդական թատրոնը եւ ԼՂՀ-ից` Շուշիի Մ. Խանդամիրյանի պետական թատրոնը ու նաեւ Վ. Փափազյանի անվան պետական թատրոնը: Պարոն Մանուկյանը տեղեկացրեց, որ նախապես պարի խմբերի ղեկավարներին բաժանվել է բացման հանդիսությանը կատարվելիք երկու շուրջ պարերի երաժշտությունների ձայնագրությունները:
Խորհրդակցության ավարտին հատուկ ցուցումներ տրվեցին ե’ւ խմբերի ղեկավարներին, ե’ւ փառատոնի մասնակիցներին` խստագույնս պահպանել ծրագրում նշված ժամանակացույցը ու չխախտել կարգապահական կանոնները:
Մինչ ուշ երեկո Բայրոնի 5 հասցեում գտնվող փառատոնի շտաբում եռուզեռ էր` ընդունում էին նոր ժամանած պատվիրակներին ու մանրամասն տեղեկություններ տալիս փառատոնի ընթացքի մասին:
<<Մեկ ազգ , մեկ մշակույթ>> համահայկական չորրորդ փառատոնի լրատվական կենտրոն,

21.07.10