Հարգելի հայրենակիցներ,
ՀՀ սփյուռքի նախարարությունը ս/թ սեպտեմբերի 6-7-ը
Երևանում անց է կացնում կերպարվեստի (նկարչություն, քանդակագործություն,
դիզայն, գրաֆիկա և այլն) գործիչների համահայկական համաժողով:
Համաժողովի շրջանակներում կազմակերպվելու են մասնագիտական քննարկումներ և
բանավեճեր: Համաժողովի արդյունքում կստեղծվի կերպարվեստի գործիչների
համահայկական ընկերակցություն:
Նախատեսվում է կազմակերպել
ցուցահանդեսներ, վարպետության դասընթացներ, հանդիպումներ Հայաստանի պետական
այրերի, հոգևոր առաջնորդների, անվանի գործիչների հետ, ինչպես նաև
ճանաչողական, մշակութային այլ միջոցառումներ:
Վստահ ենք, որ 21-րդ
դարի բարդ զարգացումների և մարտահրավերների գործընթացում հայ կերպարվեստի
գործիչներն իրենց մասնակցությամբ մեծ նպաստ կբերեն Հայաստան-Սփյուռք-Արցախ
մշակութային գործակցության խթանմանը, հայ հոգևոր ինքնության զորացմանը,
ազգային ինքնաճանաչությանը, Հայաստան-Սփյուռք-Արցախ մշակութային կապերի և
համագործակցության հնարավորությունների ընդլայնմանն ու գործակցության
մեխանիզմների ստեղծմանը:
Հայաստանի Հանրապետության սփյուռքի
նախարարությունը սիրով հրավիրում է կերպարվեստի բոլոր հայզագի գործիչներին`
մասնակցելու կերպարվեստի գործիչների համահայկական համաժողովին:
Համաձայնության դեպքում խնդրում ենք Ձեզ մինչև 2010թ. օգոստոսի 10-ը
տեղեկացնել ՀՀ սփյուռքի նախարարությանը (Հասցե` ք.Երևան, Վ.Սարգսյան 26/1,
հեռ.` (+37410)585601/116/, ֆաքս` (+37410) 589157, էլ. փոստ`
europedep@yahoo.com, europedep@mindiaspora.am
artconference@mindiaspora.am, կայք` www.mindiaspora.am):
ՀԱՐԳԱՆՔՈՎ`
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՓՅՈՒՌՔԻ ՆԱԽԱՐԱՐՈՒԹՅՈՒՆ
Երիտասարդ մասնագետների ավանդական դարձած այցելությունը
ՀՀ սփյուռքի նախարարություն
Հուլիսի 20-ին ՀՀ սփյուռքի նախարարի տեղակալ
Վարդան Մարաշլյանն ընդունեց ամերիկահայ երիտասարդ մասնագետների
պատվիրակությանը:
ավելին...
Արդյունավետ համագործակցության շարունակականության
համոզմունքով
Հուլիսի 20-ին ՀՀ սփյուռքի նախարարություն էր
այցելել Բոսթոնի Սուրբ Երրորդություն հայկական առաքելական եկեղեցու
կիրակնօրյա հայկական վարժարանի վարչուհի Նաիրա Բալագյոզյանը: ավելին...
Մարսելի հայ համայնքի պատվիրակությունն այցելեց ՀՀ
սփյուռքի նախարարություն
Հուլիսի 19-ին ՀՀ սփյուռքի նախարարություն
այցելեց Մարսելի հայ համայնքի պատվիրակությունը, որի կազմում էին Մարսելի
Հայ մարմնամարզական ընդհանուր միության (ՀՄԸՄ) նախագահ Ժիլբեր Մարկոյանը, ավելին...
ԱՅՍՕՐ ՇԱԽՄԱՏԻ ՄԻՋԱԶԳԱՅԻՆ ՕՐՆ Է
Տալլիննի Տիգրան Պետրոսյանի անվան շախմատի ակադեմիան http://www.sgcc.ucoz.ru/
հայտարարում է Հուլիսի 20-ը՝ "ԲԱՑ ԴՌՆԵՐԻ ՕՐ" եւ
հրավիրում է
շախմատի սիրահարներին մասնակցել ակադեմիայի տոնական միջոցառումներում:
Մուտքն ազատ: Հաղթողներին սպասվում են հետաքրքիր պարգեւներ:
Տոնդ շնորհավոր՝ շախմատի աշխարհ:
Շախմատի համահայկական առաջին օլիմպիադա
 Հայաստանի
Հանրապետության սփյուռքի նախարարության և Հայաստանի շախմատի ակադեմիայի
միջև 2009թ. դեկտեմբերի 24-ին կնքված հուշագրի շրջանակներում 2010թ.
օգոստոսի 14-23-ը Երևան քաղաքում կանցկացվի Շախմատի համահայկական առաջին
օլիմպիադան:
Օլիմպիադային կմասնակցեն մինչև 35 տարեկան հայազգի
շախմատիստներ: Օլիմպիադան կանցկացվի անհատական-թիմային մրցակարգով:
Յուրաքանչյուր թիմ կներկայացնեն երեք տղա և մեկ աղջիկ: Թիմերը կկազմվեն
տարածաշրջանային սկզբունքով` Հյուսիսային Ամերիկա, Հարավային Ամերիկա,
Ռուսաստան /2թիմ/, Եվրոպա, Մերձավոր և Միջին Արևելք, ԱՊՀ, Հայաստան, Երևան և
ԼՂՀ:
Համահայկական օլիմպիադային կից տեղի կունենա նաև երկու միջազգային
բաց մրցաշարեր /կանոնակարգ/:
Միքայել Հակոբովը "Ֆինլանդիայի սրտում”
Միջազգային վարպետ Միքայել Հակոբովը (Ֆինլանդիա) Յուվյասկյուլյա
քաղաքում ավարտված "Ֆինլանդիայի սիրտ” օփենում 9 հնարավորից վաստակեց 5,5
միավոր եւ 114 մասնակիցների մեջ գրավեց 27-րդ տեղը: Լավագույն արդյունքի
հասան գրոսմայստերներ Մաքսիմ Տուրովը (Ռուսաստան), Տոմի Նիբակը եւ Տոմի
Լուկոնենը (Ֆինլանդիա)` 7-ական միավոր: Լրացուցիչ ցուցանիշներով առաջին
մրցանակը նվաճեց Տուրովը:
Տաթեւ Աբրահամյանի վստահ ելույթը
ՖԻԴԵ-ի վարպետ Տաթեւ Աբրահամյանը Սենթ Լուիսում անցկացվող ԱՄՆ-ի
կանանց առաջնությունում 8 հնարավորից վաստակել է 6,5 միավոր եւ միայն կես
միավորով է ետ մնում առաջատարներից` գրոսմայստերներ Կրաշից եւ Զատոնսկիխից:
Գրոսմայստեր Կատերինա Ռոհոնյանը վաստակել է 4,5 միավոր:
Վերջին`
իններորդ տուրում երկու հայ շախմատիստուհիները հանդիպում են միմյանց հետ:
Շվեդ բիզնեսմենին սպանած հայը դատապարտվել է ցմահ
ազատազրկման
Ձեռներեցին
սպանել էին անցած տարի, երբ նա միայն ներքնազգեստով դուրս էր պրծել իր
տնից ու խուճապահար վազել մոտակայքում բնակվող մոր տան ուղղությամբ։
|
