PanARMENIAN.Net - Հայաստանի նախագահ Սերժ Սարգսյանն այսօր շնորհավորական ուղերձ է հղել Ուսուցչի օրվա
առթիվ: Ուղերձում, մասնավորապես, ասված է. «Այս օրը կոչված է մեծարելու
նրանց, ովքեր իրենց ամենօրյա աշխատանքով նախապատրաստում են Հայաստանի վաղվա
օրը: Այդ գալիքը կլինի այնքան պայծառ, որքան բարձրակարգ, նվիրված ու
ջանասեր կլինեն մեր ուսուցիչներն այսօր: Հայաստանի հանրակրթության
համակարգն այսօր ապրում է բարեփոխումների դժվարին ժամանակահատված, որ,
վստահ եմ, տալու է իր դրական արդյունքները: Մենք հասնելու ենք կրթական
համակարգի էական բարելավման: Այս առումով կրկնակի կարևորվում է ուսուցչի
դերը, և բարձրանում նրա պատասխանատվությունը:
Ազգային հեռանկարի
տեսանկյունից դժվար է գտնել ավելի բարդ, միաժամանակ ավելի պատվաբեր ու
շնորհակալ գործ, քան աշակերտ կրթելու և հասարակության արժանապատիվ անդամ
ձևավորելու առաքելությունն է:
Կրկին շնորհավորում եմ Ուսուցչի օրվա
առթիվ և մաղթում հաջողություններ: Ձեր յուրաքանչյուր փոքր թվացող
հաջողությունը դասասենյակում տասնամյակներ անց անդրադառնալու է որպես
Հայաստանի քաղաքացու մեծ հաջողություն իր կյանքում և մասնագիտության մեջ»:
Ուղենշվեցին համագործակցության մի շարք ոլորտներ
Հոկտեմբերի
2-ին Կրասնոյարսկի «Սիբիր» համալիրում շարունակվեց երկօրյա այցով
Ռուսաստանի Դաշնությունում գտնվող ՀՀ սփյուռքի նախարար Հրանուշ Հակոբյանի և
նախարարի տեղեկալ Ստեփան Պետրոսյանի հանդիպումը Սիբիրի և Հեռավոր Արևելքի
դաշնային շրջանների հայկական կազմակերպությունների ներկայացուցիչների հետ: ավելին...