Լեռնային Ղարաբաղի լուծմամբ ուղղակի շահագրգռված երկրներն են
Ռուսաստանը, Իրանը եւ Թուրքիան: Նման կարծիք է հայտնել քաղաքական
հակամարտությունների փորձագետ, ՌԴ հասարակական խպալատի անդամ եւ ռուսական
առաջին ալիքի հաղորդավար Մաքսիմ Շեւչենկոն, Հյուսիսային եւ Հարավային
Կովկասի լրագրողների հետ հանդիպման ժամանակ:
«Ես օրինակ, կարծում եմ, որ այն գործընթացները, որոնք տեղի են ունեցել
Հայաստանի եւ Թուրքիայի միջեւ անցած 2 տարում, խաղացել եւ խաղալու են
հսկայական դեր»,- ասել է նա:
«Վաշինգթոնում կամ Բրյուսելում նստած մարդիկ թքած ունեն հայերի ու ադրբեջանցիների կյանքի, մահվան ու արյան վրա:
Ինձ թվում է, որ ԼՂ խնդիրը
լուծելու համար պետք է հաշվի առնել ոչ միայն համաշխարհային խաղացողների
շահերը, որոնց համար տարածաշրջանը եւ այնտեղ ապրող ժողովուրդները ընդամենը
շախմատի տախտակի զինվորներ են: Ես տեսել եմ այն սխեմաները, որոնք նրանք
գծում են: Այդտեղ միայն խողովակաշարեր են: Այդ սխեմաներում չկան այն
զինվորները, որոնք պետք է զոհվեն, չկան նրանց կանայք, մայրերը, քույրերը,
որոնք հետո պետք է արցունք թափեն, եթե ինչ-որ բան տեղի ունենա»,- նշել է
Շեւչենկոն:Նրա խոսքով, ԵԱՀԿ Մինսկի խմբի դերն այն է, որ պատերազմը չի
կրկնվել:Փորձագետի ներկայացմամբ, այս փուլում չկա բեկումի հնարավորություն
ԼՂ խնդրում: Աղբյուր...