«Սիրելի´ դպրոցականներ, ուսուցիչնե´ր և ծնողնե´ր,
Շնորհավորում եմ ձեզ Գիտելիքի օրվա կապակցությամբ: Յուրաքանչյուր պետություն և ժողովուրդ ձգտում է ուժեղանալ: Մեր դեպքում
ուժ ասելով` առաջին հերթին պետք է հասկանալ գիտելիք: Երբ ասում ենք, որ
մեր ամենամեծ հարստությունը մարդն է, մենք նկատի ունենք ժամանակակից,
կրթված, աշխատասեր ու հայրենասեր մարդուն, ով առաջ է տանում երկրի
տնտեսությունը, գիտությունը, մշակույթն ու բանակը, հասարակական կյանքի
ամենատարբեր ոլորտները: Ահա այս մարդն է մեր մեծագույն հարստությունը, և
մեր դպրոցը հենց նման մարդ պետք է ձևավորի: Եթե որոշ երկրների հիմնական
կարողությունը հանվում է հանքերից, ապա մեր հանքը և նրա ոսկե երակը պետք է
լինի մեր դպրոցն ու այն հասարակական միջավայրը, որտեղ ձևավորվում է ապագայի
քաղաքացին:
Մաղթում եմ, որ այս ուսումնական տարին լինի արգասաբեր, նոր
հաջողություններ բերի Հայաստանի աշակերտներին և ուսանողներին,
ուսուցիչներին ու դասախոսներին: Շնորհավորում եմ բոլորին Գիտելիքի օրվա
առթիվ»։ (Tert.am)
Վարչապետն այցելել է Անդրանիկ Մարգարյանի անվան դպրոց
Վարչապետ Տիգրան Սարգսյանն այսօր Գիտելիքի և դպրության օրվա առթիվ այցելել է
Անդրանիկ Մարգարյանի անվան թիվ 29 ավագ դպրոց։ Շնորհավորելով աշակերտներին
և ուսուցիչներին` Տիգրան Սարգսյանը մասնավորապես նշել է.
Բացել ...
ԷՍՏՈՆԻԱՅԻ ՀԱՅԱԶԳԻ ՖՈՒՏԲՈԼԻՍՏՆԵՐԻՆ
Սեպտեմբերի 18-ին (սկիզբը ժամը 10.00, Տալլիննի Sportland Arena մարզադաշտում) տեղի
կունենա Էստոնիայի Ազգային գավաթի խաղարկման ֆուտբոլի մրցաշարի վերջին՝
3-րդ փուլը:
Տալլիննի "ԵՐԵՎԱՆ" մշակութային հանրությունը
հրավիրում է Էստոնիայի հայազգի ֆուտբոլիստներին մասնակցել այդ մրցաշարոմ
մեր՝ "ԵՐԵՎԱՆ" ֆուտբոլի ակումբի կազմում՝ հայկական դրոշի ներքո (INFO. +372
53488750 Ավետիք Հայրապետյան):
Հուսով ենք նաեւ, որ հայկական համայնքը կգա ամբողջ ընտանիքներով եւ կաջակցի մեր ֆուտբոլիստներին:
Մեծագույն
հարգանքներով,
Գրիգոր Հայրապետյան
Տալլիննի "ԵՐԵՎԱՆ"
մշակութային հանրության նախագահ 
