ՀՀ սփյուռքի նախարար Հրանուշ Հակոբյանի գլխավորած
պատվիրակությունը մեկնեց Հունաստան
ՀՀ
սփյուռքի նախարար Հրանուշ Հակոբյանի գլխավորած պատվիրակությունը հունիսի
7-11-ը աշխատանքային այցով մեկնեց Հունաստան: Այցի առաջին օրը նախարար
Հ.Հակոբյանը կհանդիպի Սալոնիկի հայկական համայնքային կառույցների
ներկայացուցիչների հետ ավելին...Հարավային (Լատինական) Ամերիկայի հայ համայնքների
կրթամշակութային հիմնախնդիրների լուծմանն աջակցության ծրագիրը՚
գործողության մեջ
Հունիսի 9-ին ժ.
12:00 տեղի կունենա ՀՀ սփյուռքի նախարարի տեղակալ Ստեփան Պետրոսյանի
մամուլի ասուլիսը` ՙՀարավային (Լատինական) Ամերիկայի հայ համայնքների
կրթամշակութային հիմնախնդիրների լուծմանն աջակցության ծրագիրը՚
գործողության մեջ՚ թեմայով: Նախարարի տեղակալը կներկայացնի ծրագրի
շրջանակներում իրականացրած աշխատանքները:
Ծրագրի շրջանակներում ՀՀ
սփյուռքի նախարարության նախաձեռնությամբ ս/թ ապրիլի 1-ից մայիսի 31-ը
Բուենոս Այրես էր մեկնել բանասիրական գիտությունների դոկտոր, պրոֆեսոր
Պետրոս Բեդիրյանը: Այցի նպատակն էր օժանդակել հայեցի կրթությանը և
դաստիարակությանը տարածաշրջանում:
Հարավային Ամերիկայում գործող
հայկական կրթօջախների համար Պետրոս Բեդիրյանն իր հետ տարել էր շուրջ 100
ուսումնաօժանդակ գրքեր և նյութեր:
Մայիսի 10-21-ը ՀՀ վաստակավոր
արտիստներ Արսեն Գրիգորյանը (Մրո), Արամ Գևորգյանը (Արամո), ինչպես նաև
ճանաչված երգչուհի Էմմա Պետրոսյանը ծրագրի շրջանակներում ՀՀ սփյուռքի
նախարարության նախաձեռնությամբ մեկնել էին Արգենտինա, Ուրուգվայ և
Բրազիլիա: Նշված ժամանակահատվածում երգիչները համերգային ծրագրով հանդես
եկան Բուենոս Այրես, Կորդոբա, Մոնտեվիդեո և Սան Պաուլո քաղաքներում:
Համերգները տևել են մոտ երեքուկես ժամ: Հնչել են էստրադային, ժողովրդական,
գուսանական և ազգային երգեր, որոնք ամենուրեք արժանացել են հանդիսատեսի
ջերմ ընդունելությանը:
Ծրագրի շրջանակներում 2010թ. ընթացքում Բուենոս
Այրեսում, Կորդոբայում, Մոնտեվիդեոյում և Սան Պաուլոյում համերգներ
իրականացնելու համար, Հայաստանից մեկնող 3 հոգուց բաղկացած ևս մեկ խումբ
կայցելի Հարավային Ամերիկայի հայ համայնքներ, Հայաստանի մշակութային
գործիչներից մեկը հանդիպումներ կունենա համայնքների հետ եւ կիրականացնի
վարպետության դասընթացներ:
Նաեւ Սան Պաուլոյի համալսարանի հայագիտական
ամբիոնի աշխատանքներին աջակցելու նպատակով ամբիոնի կողմից տարվող գիտական
աշխատանքներին, մասնավորապես` հայերեն-պորտուգալերեն բառարանի և
պորտուգալերեն լեզվով հայերենի քերականության մշակման ծրագրերում
նախատեսվում է մասնագետի վեց ամիս ժամկետով գիտական աշխատանքի ծառայության
վարձատրություն, ինչպես նաև պորտուգալերեն-հայերեն բառարանի տպագրման
նպատակով ֆինանսական աջակցություն:
Department of Media and PR
