ՊԵԿԻՆ: Չինաստան կատարած այցի շրջանակում Հայաստանի նախագահ Սերժ
Սարգսյանը մայիսի 2-ին հանդիպում է ունեցել ՉԺՀ նախագահ Հու Ձինթաոյի հետ:
Ս.Սարգսյանն ասել է, որ Չինաստանի հետ հարաբերությունների զարգացումը ՀՀ
արտաքին քաղաքականության առաջնահերթություններից է եւ նշել, որ երկկողմ
կապերն արդեն իսկ ընդլայնման լավ դինամիկա ունեն: Նա ընդգծել է, որ բարձր
մակարդակի քաղաքական երկխոսությունը, հասարակական-քաղաքական, տնտեսական,
մշակութային եւ կրթական բնագավառում աշխույժ համագործակցությունը,
բազմակողմ ձեւաչափերում փոխադաձ աջակցությունը նպաստում են Հայաստանի եւ
Չինաստանի միջեւ փոխըմբռնմանը եւ վստահության մեծացմանը:
Հանդիպմանը կողմերը գոհունակությամբ առձանագրել են, որ էներգետիկայի,
քիմիական արդյունաբերության, գյուղատնտեսության, գիտության եւ տեխնիկայի,
պաշտպանության, մշակույթի եւ կրթության բնագավառներում բազմաթիվ համատեղ
նախագծեր իրականացվե են մեծ հաջողությամբ: Երկուստեք նշվել է, որ
հայ-չինական համագործակցության մինչ այժմ կուտակած մեծ փորձը լավ հիմք է
որակական նոր աստիճանի բարձրացնելու երկկողմ հարաբերությունները:
Ըստ ՀՀ նախագահի Մամլո գրասենյակի հաղորդագրության, զրուցակիցները
քննարկել են նաեւ Հայաստան-Իրան երկաթուղու կառուցմանը Չինաստանի
մասնակցության հարցերը: Կողմերն ընդգծել են, որ ՉԺՀ Շանսի նահանգում
հայ-չինական «Շանսի-Նաիրիտ» համատեղ ձեռնարկության գործարկումը երկկողմ
կապերի զարգացման կարեւոր վկայություն է: |