Այս տարվա սկզբի տվյալներով, Հայաստանում ապրող թոշակառուների քանակը
հասնում է 518 հազարի, որը կազմում է բնակչության 16 տոկոսը։ Իսկ թոշակի
միջին գումարը կազմում է ամսական 24 498 դրամ, ինչն ապրիլի 30-ի դրությամբ՝
համարժեք է 63,66 դոլարի։ Հայաստանում «միջին» թոշակը կազմում է անվանական
աշխատավարձի մեկ քառորդը։
Միջին թոշակը գերազանցում է նվազագույն պարենային զամբյուղի արժեքը,
սակայն նկատելիորեն զիջում է սպառողական զամբյուղի արժեքին։ Նշենք նաեւ, որ
նվազագույն սպառողական զամբյուղը միայն անունով է համապատասխանում իր
նշանակությանը։ Զամբյուղի մեջ ընդգրկված մթերքները օրական ապահովում են
միայն 2232 կիլոկալորիա, ինչը հավասարազոր է քաղցած մնալուն։
Ամսական թոշակով հնարավոր է գնել 13 կգ տավարի միս։ Իսկ ինչ վերաբերում
է կյանքի մյուս հաճույքներին, ապա «միջին» թոշակով հնարավոր է ձեռք բերել
մեկ զույգ «ոչ ֆիրմային» կոշիկներ բնական կաշվից կամ էլ ավտոմեքենայի
կուտակիչ։ Եթե «միջին» թոշակառուն 15 ամիս խնայի իր թոշակը, ապա կկարողանա
մեկ շաբաթ հանգստանալ արտասահմանում։ http://news.am/am/news/20466.html
Դինքի ընտանիքը դատախազությունից պահանջում է արագացնել
գործողությունները
| 
