Ապրիլի 29-ին Չինաստանի Ժողովրդական Հանրապետության նախագահ Հու
Ձինթաոյի հրավերով Հայաստանի նախագահ Սերժ Սարգսյանը կմեկնի Չինաստան`
մասնակցելու «Շանհայ-Էքսպո-2010» համաշխարհային ցուցահանդեսի բացման
արարողությանը:
Ինչպես NEWS.am-ը տեղեկանում է նախագահի
մամուլի ծառայությունից, ՀՀ նախագահի գլխավորած պատվիրակության կազմում են
ՀՀ արտաքին գործերի, էկոնոմիկայի, էներգետիկայի եւ բնական պաշարների
նախարարները, պաշտոնատար այլ անձինք:
Այցի ընթացքում Սերժ Սարգսյանն առանձնազրույց կունենա ՉԺՀ նախագահ Հու
Ձինթաոյի հետ: Հայաստանի ղեկավարը ներկա կգտնվի «Շանհայ-Էքսպո-2010»
համաշխարհային ցուցահանդեսի բացման հանդիսավոր արարողությունը:
«Շանհայ-Էքսպո-2010»-ը տեղի է ունենում հինգամյա պարբերականությամբ եւ
ներկայացնում է տարբեր երկրների նորագույն նվաճումները տնտեսության,
գիտության, կրթության եւ այլ ոլորտներում: Նախագահ Սարգսյանը Հայաստանի
տաղավարից զատ կայցելի նաեւ ԱՄՆ-ի, ՌԴ-ի եւ ՉԺՀ-ի տաղավարներ:
ՀՀ Նախագահի գլխավորած պատվիրակությունը կլինի նաեւ Ձզյանսի նահանգի
Սուժոու քաղաքում: Ս. Սարգսյանը կայցելի Սուժոուի գիտության, մշակույթի եւ
արվեստի կենտրոն, նաեւ` գիտության եւ կրթության ինովացիոն կենտրոն, կլինի
HIGER ավտոբուսների գործարանում:
Նա Շանսի նահանգի Դաթուն քաղաքում ներկա կգտնվի հայ-չինական տնտեսական
համագործակցության ամենախոշոր նախագծերից մեկի` քլորոպրենային կաուչուկի
արտադրության «Շանսի-Նաիրիտ» համատեղ ձեռնարկության բացման արարողությանը:
Հայկական պատվիրակությունը Երեւան կվերադառնա մայիսի 3-ին:
http://news.am/am/news/20246.html
| 
