Կերպարվեստի օրերի
կազմակերպական կոմիտեի նիստ ՀՀ
սփյուռքի նախարարությունում
Ապրիլի
15-ին ՀՀ սփյուռքի նախարար Հրանուշ Հակոբյանի նախագահությամբ կայացավ «Մեկ
ազգ, մեկ մշակույթ» համահայկական մշակութային փառատոնի շրջանակներում
կերպարվեստի օրերի անցկացման կազմակերպական կոմիտեի նիստ:
Ներկա
էին Հայաստանի նկարիչների միության նախագահ Կարեն Աղամյանը, Երևանի
գեղարվեստի ակադեմիայի ռեկտոր Արամ Իսաբեկյանը, «Մեկ ազգ, մեկ մշակույթ»
հիմնադրամի գործադիր տնօրեն Թամարա Պողոսյանը, քանդակագործ Լևոն
Թոքմաջյանը, լիբանանահայ նկարիչ Սոնիա Տաշջյանը և կազմկոմիտեի
անդամ-աշխատակիցներ նախարարությունից:
Ողջունելով
ներկաներին` նախարար Հ.Հակոբյանը խոսեց այս տարվա հունիսի վերջին «Հայ
նկարիչների և քանդակագործների համահայկական համաժողով» կազմակերպելու
նախագծի մասին: Այնուհետև ներկաները հանդես եկան առաջարկություններով և
հարցեր ուղղեցին տիկին Հակոբյանին:
Նախարարն
առաջարկեց ստեղծել «Կերպարվեստի համահայկական ընկերակցություն», որի
արդյունքում ոչ միայն առավել սերտ կլինի սփյուռքահայ արվեստագետների կապը
Հայրենիքի հետ, այլ նաև հնարավորություն կստեղծվի միմյանց ճանաչելու և
ակտիվ համագործակցելու: Տիկին Հակոբյանը կարևորեց երիտասարդ արվեստագետների
դերը` առաջարկելով ստեղծվելիք ընկերակցության կազմում նրանց համար ունենալ
առանձին բաժին:
Նախարար
Հ.Հակոբյանը խոսեց նաև Սփյուռքի արվեստի թանգարան ստեղծելու
անհրաժեշտության մասին: