Ամերիկացիների
խնդիրը ԼՂ հակամարտությունը չլուծված, կախյալ վիճակում պահելն է: Այս
մասին ադրբեջանական SalamNews գործակալության հետ զրույցում ասել է հայտնի
ռուս լրագրող, վերլուծաբան, հաղորդավար Մաքսիմ Շևչենկոն: «Ամերիկացիների
խնդիրը ղարաբաղյան հակամարտությունը կախյալ վիճակում պահելն է՝ հողերը ո՛չ
Ադրբեջանին վերադարձնելով, ո՛չ էլ դրանք Հայաստանի մաս ճանաչելով: Նրանց
նպատակը Ղարաբաղը մշտապես որպես թեժ կետ, պատերազմի հնարավոր կետ պահելն է,
քանի որ Ղարաբաղը ողջ Հարավային Կովկասը լարվածության մեջ է պահում»,-ասել
է Շևչենկոն:
PanARMENIAN.Net
- Համաձայն ՊԲ օպերատիվ տվյալների անցած շաբաթվա ընթացքում
ղարաբաղա-ադրբեջանական հակամարտ զորքերի շփման գծում հակառակորդի կողմից
հրադադարի պահպանման ռեժիմը խախտվել է ավելի քան 220 անգամ, որի ընթացքում
Ադրբեջանի ԶՈՒ-ի առաջապահ ստորաբաժանումները տարբեր տրամաչափի
զինատեսակներից հայկական դիրքերի ուղղությամբ արձակել են շուրջ 1700
կրակոց:
ՊԲ առաջապահ ստորաբաժանումները հակառակորդի դրսևորած
ակտիվությանն արձագանքել են ծայրահեղ անհրաժեշտության դեպքում և վստահորեն
իրականացրել մարտական դիրքերի պաշտպանությունը: