PanARMENIAN.Net - «Իմ սիրելի հայրենակիցներ, մենք անսահմանորեն ուրախ ենք և հպարտ: Մեր հաղթանակը մենք նվիրում ենք ողջ աշխարհի հայերին: Ես շատ երջանիկ եմ լինել Հայաստանի համերաշխ հավաքականի անդամը և մենք ջանադրաբար աշխատում ենք մեր ժողովրդին ուրախացնելու համար»,- Facebook –ի իր էջում գրել է Հայաստանի հավաքականի հարձակվող Յուրա Մովսիսյանը, որն առաջին գոլը խփեց Սլովակիայի հավաքականի հետ խաղում: Հայաստանի հավաքականը խոշոր հաշվով՝ 4:0 հաղթանակ տարավ Սլովակիայի հետ արտագնա խաղում:

Ֆուտբոլիստը նշել է, որ հպարտանում է իր ժողովրդով, որը միշտ աջակցում և երկրպագում է Հայաստանի հավաքականին: «Մենք պետք է շարունակենք աշխատել: Առաջ, Հայաստան»:

Սեպտեմբերի 6-ին Ժիլինայում կայացած Հայաստան-Սլովակիա խաղում գոլի հեղինակներ դարձան Յուրա Մովսիսյանը, Հենրիխ Մխիթարյանը, Գևորգ Ղազարյանն ու Արթուր Սարկիսովը: Հաղթանակը հնարավորություն տվեց Հայաստանի հավաքականին բարձրանալ B խմբի 3-րդ հորիզոնական և պահպանել փլեյ-օֆ դուրս գալու շանսերը:

"Քսան տարի անց երբեմնի մեր երազների Հայաստանի Հանրապետության տեղում կոռումպացված, օրինազանց, հայաթափվող մի երկիր է առաջացել, որի` նման գոյությունը հերքում է անկախ պետականություն կայացնելու` հայ ժողովրդի ունակությունը..."

ԵՍ ՄԵՂԱԴՐՈՒՄ ԵՄ

Քսան տարի առաջ` 1991 թ. սեպտեմբերի 21-ին, Հայաստանի անկախության մակույկը համաշխարհային հեղաբեկումների ալիքների վրայով լողում էր դեպի անկախ պետականության բաղձալի ափը: Քսան տարիների ընթացքում անկախության ծովն աստիճանաբար ցամաքեց, արժանապատվության եւ հպարտության, ազատության եւ արդարության ձգտող հասարակությունը վերածվեց կծկված ու շփոթահար, վհատ ու թեւաթափ, հարմարվող ու կամազուրկ մարդկային զանգվածի, իսկ առաջընթացի ...

Բացել ...

"Ես մեղադրում եմ ձեզ` բոլորիդ, Հայաստանի Հանրապետության անունից: Ես մեղադրում եմ ձեզ հանուն Հայաստանի Հանրապետության..."

Ցանկացած արցախցի պատրաստ է ջնջել երկրի երեսից յուրաքանչյուրին, ով կփորձի «փոխզիջել» իր հայրենիքը

Արցախի անկախության օրը, «Չենք լռելու» երիտասարդականնախաձեռնության ակտիվիստները մեկնել են Արցախի Շահումյանի շրջան: Երիտասարդները այցելել են գյուղեր, շնորհավորել ազատ Արցախի քաղաքացիներին, նվերներ և քաղցրավենիք տարել երեխաներին:
Այստեղ շատ հեշտ է ազգի դավաճանի պիտակ ձեռք բերել. դրա համար բավական է միայն արցախցիների հետ զրույցում բացել իրենց պատմական հայրենիքի` ազատագրված տարածքների, այսպես կոչված, «փոխզիջման» մասին խոսակցությունը:
«Չենք լռելու»-ի ակտիվիստներին այսօր հանդիպած հարյուրավոր արցախցիներից չի եղել գեթ մեկը, որը ղեկավարվեր «ամեն ինչի պատրաստ ենք, միայն թե պատերազմ չլինի» սկզբունքով: Նրանք պատրա՛ստ են մինչև վերջ տեր կանգնել իրենց հայրենիքին: XX դարավերջի պատմությունը մի անբացատրելի, գերբնական ուժով է կապել ղարաբաղցիներին սեփական հողի հետ: Նրանցից յուրաքանչյուրը պատրաստ է ջնջել երկրի երեսից յուրաքանչյուրին, ով կփորձի «փոխզիջել» (տեղական տերմինաբանությամբ` ծախել) իր կամ իր հայրերի արյունով ազատագրված հողերը:
«Չենք լռելու»-ի ակտիվիստներն այցելել են նաև պատմական Արցախ նահանգի Խաչեն գավառի կրոնական ու մշակութային կենտրոն` Դադիվանք։ Այնտեղից երիտասարդները իրենց աղոթքն ուղղեցին առ Աստված` խնդրելով խաղաղություն և բարեկեցություն Արցախ աշխարհի ժողովրդին:

Категория: Мои файлы | Добавил: esthaylraber

Просмотров: 327 | Загрузок: 0 | Комментарии: 1 | Рейтинг: 0.0/0

Всего комментариев: 0

Сделать бесплатный сайт с uCoz