Հայ ազգային կոնգրեսը այսօր հանդես է եկել Հայաստանի շախմատային հաղթանակի առթիվ հայտարարությամբ։ Այն ներկայացվում է ստորև։
«Չինաստանի Նինբո քաղաքում անցկացվող շախմատի աշխարհի թիմային
առաջնությունը դարձավ Հայաստանի հավաքականի աստեղային ժամը: Եվ անհատական, և
թիմային մակարդակում փայլուն խաղ ցուցադրելով ողջ մրցաշարի ընթացքում,
Հայաստանի հավաքականը ոչ մի շանս չթողեց իր հակառակորդներին` այդ թվում
շախմատային հսկաներ Ռուսաստանին, Չինաստանի, Ուկրաինային, Հնդկաստանին և
արժանիորեն հռչակվեց աշխարհի չեմպիոն:
Հայ Ազգային Կոնգրեսը սրտանց շնորհավորում է մեր հավաքականին`
գրոսմայստերներ Լևոն Արոնյանին, Սերգեյ Մովսիսյանին, Վլադիմիր Հակոբյանին,
Գաբրիել Սարգսյանին, Ռոբերտ Հովհաննիսյանին, մարզիչ Արշակ Պետրոսյանին,
ինչպես նաև ողջ հայ ժողովրդին այս փայլուն հաղթանակի կապակցությամբ: Մեր
շախմատիստների այս սխրանքի շնորհիվ Հայաստանը վերջնականապես մտավ
շախմատային Օլիմպոս` օլիմպիական չեմպիոնի տիտղոսին ավելացնելով նաև աշխարհի
չեմպիոնի դափնին»: (Tert.am) Իշխանական կոալիցիայի եւ ընդդիմադիր Հայ ազգային կոնգրեսի միջեւ հուլիսի 26-ին կայացավ երկրորդ հանդիպումը:
