Դիպլոմներ հանձնվեցին սփյուռքագիտության ամբիոնի առաջին շրջանավարտներին
Հուլիսի
8-ին կայացավ ՀՀ սփյուռքի նախարարության նախաձեռնությամբ 2008թ.
հիմնադրված ԵՊՀ հայ բանասիրության ֆակուլտետի կազմում գործող
սփյուռքագիտության ամբիոնի առաջին շրջանավարտ մագիստրոսների դիպլոմների
հանձնման հանդիսավոր արարողությունը:
ՀՀ սփյուռքի նախարար Հրանուշ Հակոբյանն ընդունեց ՀԲԸՄ «Երևանյան ամառային փորձառություն» ծրագրի մասնակիցներին
Հուլիսի
7-ին ՀՀ սփյուռքի նախարար Հրանուշ Հակոբյանն ընդունեց ՀԲԸՄ «Երևանյան
ամառային փորձառություն» ծրագրի շրջանակներում Հայաստան այցելած
սփյուռքահայ երիտասարդներին: Այս տարվա ծրագրի մասնակից 22 ուսանողները
ներկայացնում են ԱՄՆ-ի, Կանադայի, Ռուսաստանի և Սիրիայի հայ համայնքները:
Եվրոպայի Հայկական Միությունների Ֆորումի /ԵՀՄՖ/ նախագահ Աշոտ Գրիգորյանն
ԵՀՄՖ-ի անունից շնորհավորում է հայ հերթական գերտաղանդին` թավջութակահար
Նարեկ Հախնազարյանին, ժամանակի ամենահեղինակավոր երաժշտական մրցույթներից
<<Չայկովսկու>> անվան մրցույթում առաջին տեղը գրավելու
կապակցությամբ: Նարեկ Հախնազարյանն այսօր արդեն աշխարհահռչակ ջութակահար,
<<Ելիզավետա երկրորդ թագուհու>> մրցույթի հաղթող Սերգեյ
Խաչատրյանի հետ միասին հանդիսանում են համաշխարհային կատարողական արվեստի
գագաթում հայտնված հայ ազգի այն երաժիշտները, որոնցով կարող է հպարտանալ
ողջ աշխարհասփյուռ հայությունը: Հայ ստեղծագործ ազգը վերջին
հարյուրամյակում աշխարհին տվել է մի շարք հանճարներ, որոնց անունները
սակայն ավելի շատ հայտնի են եղել մեզ և ցավալիորեն ըստ արժանավույնս հայտնի
չեն դարձել այլոց համար: Այս երկու երիտասարդները ճեղքելով և անցնելով
բոլոր խոչընդոտները, չնայած իրենց երիտասարդ տարիքին, արդեն դարձել են
անուններ, որոնց առջև բացվում են համաշխարհային բոլոր համերգասրահների
դռները: Հայաստանի մշակույթի պատասխանատուները և համասփյուռ հայության հայ
մշակույթով հետաքրքրված անձիք պետք է օգտվեն այս հնարավորություններից`
առավել լայն ներկայացնելու ողջ աշխարհին մեր մշակույթը: Պետք է հասկանալ,
որ վերոհիշյալ մրցույթները և նրանց հաղթողներ անհամեմատելի մեծություններ
են էժանագին ու ծիծաղելի շոուներ ներկայացնող այնպիսի մրցույթների կողքին,
ինչպիսին ասենք <<Եվրատեսիլն>> է, որում տարած հաղթանակը
գլխապտույտ է առաջացրել մեր հարևանի մոտ:
ԵՀՄՖ-ը դիմում է
համաշխարհային հայկական բոլոր կազմակերպություններին առաջարկով. միավորենք
մեր ուժերը պրոպագանդելու համար համաշխարհային անուն հանած մեր
երաժիշտներին` չխնայելով նրանց գովազդի վրա ոչինչ: Մենք պետք է կարողանանք
նրանց անունները մեծարել հայկական և ոչ հայկական մեդիայով ու գովազդի այլ
միջոցներով, ինչպես նաև կազմակերպենք հատուկ միջոցառումներ` ներգրավելով
նրանց:
Պետք է անընդհատ հիշել, որ հայ ազգի հազարամյակներ անցնելու և
կայուն մնալու երաշխիքներն եղել են մեր հավատն ու մշակույթն, իսկ մեր
համաշխահային այցետոմսը մշտապես հանդիսացել են մեր խոշոր մշակույթային
գործիչները:
