Հայաստանյան
մամուլի ուշադրության կենտրոնում այսօր կրկին Կազանում Ռուսաստանի
նախագահի միջնորդությամբ կայացած Հայաստանի և Ադրբեջանի նախագահների
հանդիպումն էր, որը, չնայած մեծ սպասելիքներին, չավարտվեց հիմնարար
սկզբունքների վավերացմամբ։
Կազանում
ավարտվել է Հայաստանի, Ռուսաստանի եւ Ադրբեջանի նախագահների եռակողմ
հանդիպումը՝ նվիրված ԼՂ հակամարտության խաղաղ կարգավորմանը։
ՌԴ նախագահ
Դմիտրի Մեդվեդեւի նախաձեռնությամբ կայացած եռակողմ հանդիպման արդյունքում
նախագահներ Սերժ Սարգսյանի, Դմիտրի Մեդվեդեւի եւ Իլհամ Ալիեւի անունից
տարածվել է համատեղ հայտարարություն։
Լեռնային Ղարաբաղի հիմնախնդրի
կարգավորման վերաբերյալ Հայաստանի Հանրապետության, Ռուսաստանի Դաշնության
եւ Ադրբեջանական Հանրապետության նախագահների համատեղ հայտարարությունը
Հայաստանի,
Ռուսաստանի եւ Ադրբեջանի նախագահները 2011թ. հունիսի 24—ին հանդիպեցին
Կազանում եւ դիտարկեցին իրենց հանձնարարությամբ Լեռնային Ղարաբաղի
հիմնախնդրի կարգավորման Հիմնական սկզբունքների նախագծի համաձայնեցման
նպատակով տարվող աշխատանքի ընթացքը։
Պետությունների ղեկավարները
արձանագրեցին մի շարք հարցերի շուրջ փոխըմբռնման ձեռքբերումը, որոնց
լուծումը կնպաստի Հիմնական սկզբունքներին հավանություն տալու համար
պայմանների ստեղծմանը։
Հայաստանի եւ Ադրբեջանի նախագահները
երախտագիտություն հայտնեցին ԵԱՀԿ Մինսկի խմբի համանախագահող երկրների՝
Ռուսաստանի, ԱՄՆ—ի եւ Ֆրանսիայի առաջնորդներին Լեռնային Ղարաբաղի
հիմնախնդրի կարգավորման ուղղությամբ նրանց մշտական ուշադրության համար եւ
բարձր գնահատեցին պայմանավորվածությունների ձեռքբերմանն օժանդակելու
ուղղությամբ Ռուսաստանի Դաշնության նախագահի անձնական ջանքերը։
Հայկական
թերթերն անդրադարձել են Կազանում Հայաստանի, Ադրբեջանի և Ռուսաստանի
նախագահների հանդիպմանը, որտեղ, չնայած մեծ ակնկալիքներին, առաջընթաց
չգրանցվեց։
Ռուսաստանի, Ադրբեջանի եւ Հայաստանի նախագահները հանդես են եկել համատեղ հայտարարությամբ...
Այդ էր պատճառը, որ Կազանը բեկումնայի չեղավ, ասում է Հայաստանի արտգործնախարարը...
