Նախագահ Սերժ Սարգսյանը պաշտոնական այցի շրջանակներում երեկ Լատվիայի նախագահ ...
10 մարտի 2011
PanARMENIAN.Net
- Մարտի 12-ին Ֆրանսիայի ողջ տարածքում ֆրանսհայերը ցույցի դուրս կգան՝
բողոքելով այն իրողության դեմ, որ Սենատը հրաժարվում է ընդունել
Հայոց ցեղասպանության
ժխտման քրեականացման մասին օրինագիծը: «Ֆրանսիայի հայ համայնքը վիրավորված
է թուրք ազգայնակններից, որոնք արգելափակում են Հայոց ցեղասպանության
ժխտման քրեականացման մասին օրինագծի ընդունումը՝ միջամտելով մեկ այլ երկրի
ներքին գործերին»,-ասվում է Ֆրանսիայի հայկական կազմակերպությունների
համակարգող խորհրդի (ՖՀԿՀԽ) հայտարարության մեջ: ՖՀԿՀԽ-ն կոչ է անում
Մարսելի, Վալանսի ու Փարիզի հայ համայնքներին մասնակցել մարտի 12-ին
Ֆրանսիայի Սենատի առջև կայանալիք հանրահավաքին:
«Հայոց ցեղասպանությունը վերապրած հայերի որդիներն ու դուստրերը մարտի
12-ին կհավաքվեն Սենատի առջև և կպահանջեն ընդունել օրինագիծը»,-ասվում է
հայտարարության մեջ, հայտնում է Nouvelles d'Arménie-ին:
2006թ. հոկտեմբերի 12-ին Ֆրանսիայի
Ազգային ժողովը օրինագիծ ընդունեց Հայոց ցեղասպանության քրեականացման
մասին, սակայն Սենատը արգելափակեց օրինագծի ընդունումը:
WikiLeaks-ը մի փաստաթուղթ է հրապարակել, որի համաձայն Նիկոլյա Սարկոզին
հավաստիացրել է Թուրքիային, որ Հայոց ցեղասպանության համար քրեական պատիժ
սահմանող օրինագիծը «կթաղվի Սենատում», ինչը հարուցել է Ազնավուրի
վրդովմունքը:
PanARMENIAN.Net - Աշխարհահռչակ շանսոնյե Շառլ Ազնավուրը
կմասնակցի մարտի 12-ին Փարիզում կայանալիք հանրահավաքին, որը տեղի կունենա
Ֆրանսիայի Սենատի առջև: Հանրահավաքի մասնակիցները պահանջելու են ընդունել
Հայոց ցեղասպանության քրեականացման մասին օրենքը: Ազնավուրի
մասնակցությունը հանրահավաքին, որպես ֆրասահայի կերպարի մարմնացում, եզակի
իրադարձություն է երգչի կյանքում: «Նա կյանքում առաջին անգամ կմասնացկի
բողոքի քաղաքական ցույցի»,-գրում է Nouvelles d'Arménie-ին: Բողոքի
ցույցին, որի կազմակերպիչն է Ֆրանսիայի հայկական կազմակերպությունների
համակարգող խորհուրդը, կմասնակցեն նաև Պատրիկ Դևեջյանը, Բերնար-Անրի Լևին,
Սերժ Կլարսֆելդը: 2006թ. հոկտեմբերի 12-ին Ֆրանսիայի Ազգային
ժողովը օրինագիծ ընդունեց Հայոց ցեղասպանության քրեականացման մասին, սակայն
Սենատը արգելափակեց օրինագծի ընդունումը: WikiLeaks-ը մի
փաստաթուղթ է հրապարակել, որի համաձայն Նիկոլյա Սարկոզին հավաստիացրել է
Թուրքիային, որ Հայոց ցեղասպանության համար քրեական պատիժ սահմանող
օրինագիծը «կթաղվի Սենատում», ինչը հարուցել է Ազնավուրի վրդովմունքը:
Ջավախքի հայկական կազմակերպությունները ստորագրահավաք են սկսում՝ ի պաշտպանություն ջավախահայության իրավունքների
«Պայքարը
տեղափոխվել է բոլորովին այլ հարթություն. սա ժողովրդական պայքարի հարթակ է՝
համացանցային դրսևորմամբ»,- ասաց Շիրակ Թորոսյանը։
