5 մարտի 2011
PanARMENIAN.Net - ԱՄՆ Կոնգրեսի Ներկայացուցիչների պալատի արտաքին գործերի կոմիտեի անդամ
Բրեդ Շերմանը
Սումգայիթի հայոց ջարդերի 23-րդ տարելիցի կապակցությամբ հանդես է եկել
հայտարարությամբ: «1988 թվականի փետրվարի 27-ին սկսվեց հայերի եռօրյա ջարդը
Սումգայիթում: Մարդկանց ծեծի էին ենթարկում, բռնաբարում, ողջ-ողջ այրում:
Այդ անմեղ մարդկանց օգնության աղերսներն արհամարվեցին տեղական
ոստիկանության կողմից, և նրանք հանձնվեցին իրենց անողոք ոչնչացնողների
խղճին»,- ասել է Շերմանը` ավելացնելով, որ Ադրբեջանում հայոց ջարդերը
չավարտվեցին: «Հայերի կոտորածները տեղ գտան նաև Կիրովաբադում 1988 թվականի
նոյեմբերի 21-ին և Բաքվում 1990 թվականի հունվարի 13-ին»,- նշել է Բրեդ
Շերմանը: Նրա խոսքով, ապագայում նման ողբերգությունների կրկնությունը
կանխելու համար անհրաժեշտ է ճանաչել նախորդները: «Հենց այդ պատճառով ես
ուզում եմ հարգանքի տուրք մատուցել Սումգայիթի հայոց ջարդերի զոհերի
հիշատակին»,- ընդգծել է նա:
