ՀԱԿ–ը ներկայացրեց իր պահանջները
Իշխանությունների հետ երկխոսությունը պայմանավորելով դրանց կատարմամբ
Երեկ
ընդդիմադիր Հայ ազգային կոնգրեսը հրավիրել էր հերթական հանրահավաքը։
Ելույթներ ունեցան ՀՀՇ նախագահ Արամ Մանուկյանը, «Հանրապետություն»
կուսակցության ղեկավար Արամ Սարգսյանը, ՀԺԿ առաջնորդ Ստեփան Դեմիրճյանը,
ՀԱԿ–ի համակարգող Լեւոն Զուրաբյանը եւ ուրիշներ։ Գլխավոր ելույթ ունեցողը
ՀԱԿ—ի առաջնորդ Լեւոն Տեր—Պետրոսյանն էր, որն այս անգամ ելույթի փոխարեն
հանդես եկավ 15 կետանոց հայտարարությամբ։
Մանրամասն...
Սումգայիթը մշտապես չսպիացող վերք է մնալու
Ստեփանակերտում եւս խնկարկվել է անմեղ զոհերի հիշատակը
Երեկ
1988—ի փետրվարի 26—ից 29—ը սումգայիթյան ոճրագործությանը զոհ գնացած
անմեղ հայերի հիշատակը խնկարկվել է եւ Արցախում։ Վաղ առավոտից դեպի
Ստեփանակերտի հուշահամալիր ձգվող մարդկային հոսքը չէր դադարում։
Եղեռնագործության զոհերի հիշատակը հարգելու էին շտապում մայրաքաղաքի
հիմնարկ ձեռնարկությունների, հանրակրթական դպրոցների եւ բուհերի
կոլեկտիվները, քաղաքական, հասարակական կազմակերպությունների
ներկայացուցիչներ, պաշտպանության բանակի սպայակույտը, Մեծ հայրենականի եւ
արցախյան ազատամարտի վետերաններ։ Ցույցի մասնակիցներն իրենց ձեռքերին կրում
էին ցեղասպանությունը դատապարտող ցուցապաստառներ եւ կոչեր։ Մանրամասն...
Հայ
ազգային կոնգրեսի՝ մարտյան իրադարձությունների երրորդ տարելիցին նվիված
բազմահազարանոց հանրահավաքն է անցկացվում «Մատենադարանի» հարևանությամբ։
Բողոքի ցույց Բրյուսելում Ադրբեջանի դեսպանության դիմաց
Փետրվարի 28-ին Բելգիայի մայրաքաղաք Բրյուսելում Բելգիայի հայկական
համայնքի կողմից բողոքի ակցիա կազմակերպվեց Ադրբեջանի դեսպանության առջև`
նվիրված Սումգայիթի ջարդերի զոհերի հիշատակին:
Ցույցի մասնակիցները ադրբեջանական ներկայացուցչության շենքի առջև
պարզեցին Հայաստանի ու Արցախի դրոշները, արդարություն ու հատուցում
պահանջող պաստառներ, վանկարկեցին սումգայիթյան ոճիրը դատապարտող կոչեր:
Ցուցարարները Ադրբեջանից պահանջում էին դատապարտել Սումգայիթի, Բաքվի և այլ
քաղաքների ու գյուղերի ոճիրները: aysor.am/am/
| 