Սանկտ Պետերբուրգում կայացավ Հայաստանի եւ Ռուսաստանի նախագահների հանդիպումը
25.02.2011
Հայաստանի նախագահ Սերժ Սարգսյանը ուրբաթ օրը աշխատանքային այցով մեկնել է
Սանկտ Պետերբուրգ, որտեղ կայացել է նրա հանդիպումը Ռուսաստանի նախագահ
Դմիտրի Մեդվեդեւի հետ:
Հանդիպման առնչությամբ Կրեմլի մամուլի
ծառայության տարածած հաղորդագրության համաձայն, Դմիտրի Մեդվեդեւն ու Սերժ
Սարգսյանը քննարկել են ռուս-հայկական համագործակցության հետ կապված հարցեր,
քննարկել են հրատապ միջազգային խնդիրներ:
Հայտնի է նաեւ, որ
նախագահների հանդիպման օրակարգի հիմնական հարցերից էր առեւտրատնտեսական
համագործակցությունը, մասնավորապես` ատոմային էներգետիկայի բնագավառում:
Քաղաքական օրակարգի հարցերից էր համագործակցությունը ԱՊՀ-ում, ՀԱՊԿ-ում, ԵվրԱզԷՍ-ում, ինչպես նաեւ Ղարաբաղի հարցը:
Մարտի 5-ին Սոչիում նախատեսված է Ռուսաստանի, Հայաստանի եւ Ադրբեջանի նախագահների հերթական եռակողմ հանդիպումը Ղարաբաղի հարցով:
azatutyun.am
Այսօր տեղի կունենա Հայաստանի եւ Ռուսաստանի նախագահների հանդիպումը
Փետրվար 25, 2011
Հայաստանի նախագահ Սերժ Սարգսյանն այսօր՝ փետրվարի 25-ին աշխատանքային
այցով կմեկնի Սանկտ Պետերբուրգ, որտեղ հանդիպում կունենա ՌԴ նախագահ Դմիտրի
Մեդվեդեւի հետ: Այն կայանում է ղարաբաղյան հակամարտության կարգավորման
խնդրով Հայաստանի, Ռուսաստանի եւ Ադրբեջանի նախագահների եռակողմ հանդիպման
նախաշեմին: Այդ բանակցությունները նախատեսված են մարտի 5-ին՝ Սոչիում:
Վերջին անգամ եռակողմ ձեւաչափով հանդիպում կայացել էր հոկտեմբերի 27-ին
Աստրախանում: Հանդիպման արդյունքներով կողմերը պայմանավորվածություն էին
ձեռք բերել մարդասիրական սկզբունքով ռազմագերիներին և զոհվածների
աճյունները փոխանակելու վերաբերյալ: Նշենք, որ փետրվարի 23-ին Հայաստան էր
այցելել ԱՄՆ պետքարտուղարի
տեղակալ Ջեյմս Սթայնբերգը եւ նրան ուղեկցող պատվիրակությունը, որի կազմում
էր նաեւ ԱՄՆ պետքարտուղարի Եվրոպայի եւ Եվրասիայի հարցերով տեղակալ Ֆիլիպ
Գորդոնը: Իսկ նախօրեին տարածաշրջան է այցելել ԵՄ հատուկ ներկայացուցիչ
Փիթեր Սեմնեբին: Լրատվամիջոցների հաղորդմամբ` բանակցությունների հիմնական
թեման ղարաբաղյան հակամարտությունն էր: news.am ՀՀ նախագահն ընդունել է Հարավային Կովկասում ԵՄ–ի հատուկ ներկայացուցչին
Նախագահ
Սերժ Սարգսյանը երեկ ընդունել է հրաժեշտի այցով Հայաստան ժամանած
Հարավային Կովկասում Եվրոպական միության հատուկ ներկայացուցիչ Պիտեր
Սեմնեբիին։ Մանրամասն...
Վիդեո
| 
