ՆՈՐՈՒԹՅՈՒՆՆԵՐ (ՀԱՅԵՐԵՆ) / НОВОСТИ (НА АРМЯНСКОМ) - Мои файлы - Каталог файлов

Հոլանդահայ համագործակցող կազմակերպությունները (Հոլանդահայ Կազմակերպությունների Ֆեդերացիա և Հայ Դատի հանձնախումբ) կազմակերպում են ցույց` ոգեկոչելու Սումգայիթի հայության կոտորածի 23-ամյակը:
«Այսու կոչ ենք անում Նիդերլանդների բոլոր հայկական կառույցներին և ամբողջ հոլանդահայությանը, որ միասնաբար զանգվազային ցույցի միջոցով ոգեկոչենք Սումգայիթի (1988) և Բաքվի (1990) հայության զանգվածային ջարդերի զոհերի հիշատակը, արտահայտենք մեր համերաշխությունը Լեռնային Ղարաբաղի ժողովրդի հետ և Նիդեռլանդների կառավարության և միջազգային հասարակայնության զորակցությունը հայցենք հակամարտության խաղաղ լուծման համար` հարգելով Ղարաբաղի ժողովրդի ինքորոշման իրավունքը», - ասված է Հոլանդահայ համագործակցող կազմակերպությունների տարածած հայտարարության մեջ:
Ցույցը կմեկնարկի փետրվարի 28-ին, ժամը 13.15-ին, Հաագայի Խաղաղության պալատի մոտ, կավարտվի ժամը 15-ին` Ադրբեջանի դեսպանատան մոտ:
Ցույցի նպատակն է.
• պահանջել Լեռնային Ղարաբաղի հակամարտության խաղաղ կարգավորում
• պահանջել Լեռնային Ղարաբաղի ժողովրդի ինքորոշման իրավունքի հարգում
• Կենդանի պահել ինչպես Սումգայիթի այնպես էլ Բաքվի զանգվածային ջարդերի զոհերի հիշատակը, որպեսզի կանխվեն նման աղետալի դեպքեր: (Aysor.am)

ՍՈՒՄԳԱՅԻԹՅԱՆ ՈՃՐԱԳՈՐԾՈՒԹՅԱՆԸՙ ՊԱՏՇԱՃ ԳՆԱՀԱՏԱԿԱՆ
Գերմանահայոց կենտրոնական խորհուրդը տեղեկացնում է, որ փետրվարի 27-ին ժամը 13.00-15.00-ն Բեռլինում Սումգայիթյան եղեռնագործության (1988, 27.02-29.02) հիշատակի միջոցառում է անցկացվելու: Նախՙ ԳԴՀ մայրաքաղաքի կենտրոնումՙ Հումբոլտ համալսարանի կենտրոնական շենքի առջեւՙ ցույց եւ հսկում, այնուհետեւՙ Բեռլինի Շառլոտենբուրգ թաղամասի ավետարանական Լուիզենքիրշեումՙ հոգեհանգստյան պաշտոն, որ կմատուցի համայնքի հովիվ Գնել Գաբրիելյանը: Օրվա բանախոսները երկուսն ենՙ Գերմանահայոց կենտրոնական խորհրդի ատենապետ Ազատ Օրդուխանյանը եւ Գերմանիայում ԼՂ Հանրապետության ներկայացուցիչ Հարություն Գրիգորյանը: «Այսօր մեր պարտքն է հիշյալ ոճրագործությունը միջազգային հանրությանը ներկայացնելՙ պահանջելով պատշաճ գնահատական տալ կատարվածին», ասված է ԳԿԽ հաղորդագրության մեջ:
Աղբյուր...

«Սումգայիթ, փետրվար, 1988. հանցագործություն առանց վաղեմության ժամկետի»

ՈՒՇԱԴՐՈՒԹՅՈՒՆ ԶԼՄ-ՆԵՐԻՆ. «Նովոստի» միջազգային մամուլի կենտրոնում կհրավիրվի ասուլիս՝ «Սումգայիթ, փետրվար, 1988. հանցագործություն առանց վաղեմության ժամկետի» թեմայով

Հինգշաբթի՝ փետրվարի 24-ին, ժամը 13:00-ին «Նովոստի» միջազգային մամուլի կենտրոնում կկազմակերպվի «Սումգայիթ, փետրվար, 1988. հանցագործություն առանց վաղեմության ժամկետի» թեմայով մամուլի ասուլիս:

Категория: Мои файлы | Добавил: esthaylraber

Просмотров: 267 | Загрузок: 0 | Комментарии: 1 | Рейтинг: 0.0/0

Всего комментариев: 0

Сделать бесплатный сайт с uCoz