«Բարգավաճ Հայաստան» կուսակցությունը հավատարիմ է կոալիցիոն հուշագրի տառին ու ոգուն
Կուսակցության նախագահ վերընտրվեց Գագիկ Ծառուկյանը
«Բարգավաճ
Հայաստան» կուսակցության հերթական 5—րդ համագումարում, որն անցկացվեց
շաբաթ օրը Կ.Դեմիրճյանի անվան մարզահամերգային համալիրում, միաձայն
կուսակցության նախագահ վերընտրվեց Գագիկ Ծառուկյանը։ ԲՀԿ—ն հայտարարեց, որ
հավատարիմ է կոալիցիոն հուշագրի սկզբունքներին։ Համագումարին ներկա էին ՀՀ
նախագահ, ՀՀԿ խորհրդի նախագահ Սերժ Սարգսյանը, կոալիցիայի մյուս անդամ՝
«Օրինաց երկիր» կուսակցության, ՀՅԴ—ի, «Ժառանգության» ներկայացուցիչները։
Համագումարին մասնակցում էին շուրջ 2000 պատվիրակներ, ընտրվեց նաեւ 206
հոգուց բաղկացած կուսակցության քաղխորհուրդը։
Մանրամասն...
Հայաստանում ռուսական ռազմակայանը կապահովի հանրապետության արտաքին անվտանգությունը. ՊՆ
ԵՐԵՎԱՆ, 15 փետրվարի. /Նովոստի-Արմենիա/. Հայաստանում
ռուսական ռազմակայանը Զինված ուժերի հետ համատեղ կզբաղվի հանրապետության
արտաքին անվտանգության ապահովմամբ, երեքշաբթի Սահմանադրական դատարանում
հայտարարել է ՀՀ պաշտպանության փոխնախարար Արա Նազարյանը:
Մանրամասն...
Սպասե՛ք Սուրբ Սարգսի բարեհաճությանը
Այս տարի Սուրբ Սարգսի տոնը նշվելու է փետրվարի 19-ին:
Ամենայն Հայոց Գարեգին Բ հայրապետի տնօրինությամբ
Սբ. Սարգիս զորավարի տոնը հռչակվել է Երիտասարդների օրհնության օր:
Զորավարն իր որդու` Մարտիրոսի եւ 14 քաջ մարտիկների հետ նահատակվել է
հանուն քրիստոնեական հավատքի:Ակադեմիկոս Կարապետ Մելիք-Օհանջանյանի ուսումնասիրությունների համաձայն`
Սբ. Սարգիսը ոչ միայն ռազմի դաշտում, այլեւ սիրո մեջ հովանավորել է
Սասունցի Դավթին եւ Սասնա բոլոր հերոսներին:
Սբ. Սարգիս Զորավարի տոնը Հայաստանում ընդունված է նշել ոչ միայն
եկեղեցական ծեսով, աղոթքով, այլեւ ժողովրդական սովորույթներով: Սբ. Սարգիս
զորավարը երիտասարդների արագահաս բարեխոսն է: Նրա միջնորդությամբ հրաշքներ
են տեղի ունենում: Նա սիրո երազանքն իրականացնող Սուրբ է:
Մանրամասն...
«ART EXPO 2011»
«ART EXPO 2011» ցուցահանդեսը յուրօրինակ ու շատ ինքնատիպ ամփոփում-հաշվետվություն է:
Ցուցահանդեսի նախաձեռնողը ՀՀ մշակույթի
նախարարությունն է: Արդեն 3-րդ անգամ անցկացվող ցուցահանդեսի հիմքում
հիմնական մեկ գաղափար է` արվեստասեր հանրությանը ներկայացնել մշակույթի
ոլորտի պրոֆեսիոնալներին, շահագրգիռ կազմակերպություններին ու հայրենական
մշակույթի` անցած տարվա ընթացքում արձանագրած ձեռքբերումները:
Հայաստանի նկարիչների միությունում փետրվարի 11-12-ին անցկացվող «ART EXPO
2011»-ին մասնակցում են մոտ 50 պետական, հասարակական եւ մասնավոր
մշակութային կազմակերպություններ:
Մանրամասն...
|