PanARMENIAN.Net
- Կալիֆոռնիայի Ասամբլեայի անդամներ Էնտոնի Պորտանտինոն և Խաչո Աչաջյանը
սենատոր Ջո Սիմիտյանի հետ միասին ներկայացրել են համատեղ բանաձև, որն
առաջարկում է ապրիլի 24-ը Հայոց ցեղասպանության զոհերի հիշատակի օր հռչակել
նահանգում:
Բանաձևը նաև ԱՄՆ նախագահին ու Կոնգրեսին կոչ է անում
1915թ. դեպքերը պաշտոնապես ճանաչել որպես Հայոց ցեղասպանություն: Բացի
դրանից Ասամբլեայի անդամները Թուրքիային կոչ են անում առերեսվել սեփական
պատմությանը և ճանաչել Օսմանյան կայսրությունում Հայոց ցեղասպանությունը:
«1915 թվականի հայերի կոտորածը մարդկության պատմության մեջ ամենամեծ
հանցագործություններից մեկն է, և դրա վրա աչք փակելը նշանակում է հաշտվել
դրա հետ»,- ասել է Պորտանտինոն` հույս հայտնելով, որ այդ ոճրագործությունը
ճիշտ գնահատական կստանա, հաղորդում է Asbarez.com-ը:
Հայաստանի Երիտասարդական կուսակցությունը միավորվել է «Բարգավաճ Հայաստանի» հետ
29 հունվարի 2011
PanARMENIAN.Net - Այսօր Երևանում կայացավ Հայաստանի
Երիտասարդական կուսակցության
10-րդ արտահերթ համագումարը, որի ժամանակ ՀԵԿ-ը հայտարարեց «Բարգավաճ
Հայաստան» կոալիցիոն կուսակցության հետ միավորման մասին: «Բարգավաճ
Հայաստանի» ղեկավար Գագիկ Ծառուկյանը ողջունեց ՀԵԿ որոշումը:
Երիտասարդական կուսակցության նախագահ Վահան Բաբայանն իր հերթին լրագրողների
հետ զրույցում ասաց, որ իր գլխավորած կուսակցության քաղաքական կուրսը
համահունչ է «Բարգավաճ Հայաստան» կուսակցության ծրագրերին: Բաբայանը
հաղորդեց, որ «Բարգավաճ Հայաստանի» հետ միավորման մասին որոշումն ընդունվել
էր դեռևս 2010թ. նոյեմբերին:
