Մեր անունն է Հայկական բանակ
Յուրաքանչյուր զինվոր պաշտպանում է իր ծնողին,
հարազատին եւ Հայրենիքը
19
տարի առաջ «ՀՀ պաշտպանության նախարարության մասին» կառավարության պատմական
որոշմամբ Երեւանի հատուկ գնդի եւ երկրապահ կամավորական ջոկատների հիմքի
վրա ստեղծվեցին ՀՀ զինված ուժերը։ Ղարաբաղյան հերոսամարտի բովով անցած
հայկական բանակը աստիճանաբար հզորացավ՝ տարեցտարի կատարելագործելով
մարտական պատրաստականությունը։ Այսօր անկախ Հայաստանում պետականության
կայացման դժվարին ընթացքն ապահովող ամենակայացած պետական կառույցն ու մեր
ժողովրդի ամենամեծ ձեռքբերումն ազգային բանակն է։ Այն նաեւ մեր խաղաղ
ապագայի եւ անվտանգ գոյության անփոխարինելի երաշխիքն է։ Ուստի մենք
պարտավոր ենք ամեն գնով պահպանել, փայփայել մեր ծնած զավակին՝ ծնողական
սիրով ուրախանալով նրա հաջողություններով եւ ծնողի հոգատարությամբ շտկելով
առկա թերությունները։ Անշուշտ, ինչպես աշխարհի բոլոր բանակներում, մեր
զինված ուժերում եւս կան խնդիրներ, անելիքներ, որոնք տեւական ժամանակ կամք
ու ջանքեր են պահանջելու։ Սակայն պետք է գիտակցենք, որ դա ոչ թե առանձին
վերցրած պետական կառույցի, գերատեսչության կամ հատվածի, այլ բոլորիս խնդիրն
է։ Ուստի «ՀՀ»—ն Բանակի օրվան ընդառաջ շարունակաբար կներկայացնի եւ
պաշտպանության ոլորտի հաջողությունները, եւ իրականացվող բարեփոխումները՝
ուղղված առկա խնդիրները լուծելուն եւ բանակի հզորացմանը։
26-01-2011
hhpress.am
| 