Статистика |
Онлайн всего: 14 Гостей: 14 Пользователей: 0 |
|
Мой сайт |
|
ՆՈՐՈՒԹՅՈՒՆՆԵՐ (ՀԱՅԵՐԵՆ) / НОВОСТИ (НА АРМЯНСКОМ)
| 04.01.2011, 13:40 |
Տալլիննի "Երեւան" ֆուտբոլի ակումբի ղեկավարությունը
շնորհակալություն է հայտնում բոլորին աջակցության համար եւ շնորհավորում
բոլրին Ամանորի եւ Սուրբ Ծնունդի առթիվ
Գրիգոր Հայրապետյան,Ավետիք Հայրապետյան
Մանրամասն...
Նոր նախագիծ "ԼՐԱԲԵՐ ԷՍՏՈՆԻԱՅԻՑ" թերթում.
Հայաստանը մի գեղեցիկ երկիր է...
Ինչ է նշանակում ապրել քաղաքում,որը ավագ է Հռիմից...
Մանրամասն - 1 ..
Մանրամասն - 2 ... Մանրամասն - 3 ... Մանրամասն - 4 ...
Le Monde. Փարիզը դավաճանեց հայերին
NEWS.am-ը ներկայացնում է ֆրանսիական Le Monde-ում հրապարակված Արա Թորանյանի հոդվածը: Wikileaks-ի
գաղտնազերծած դիվանագիտական թղթակցությունը բացահայտում է Հայոց
ցեղասպանության հերքման համար քրեական պատասխանատվություն սահմանելու
Ֆրանսիայի հայ համայնքի առջեւ ստանձնած պարտավորություններն արդեն երկու
ամիս անց խախտելու Նիկոլա Սարկոզիի քայլը: 2007թ. ապրիլի 24-ին Ժողովրդական
շարժման միության թեկնածուն խոստացավ նպաստել Սենատում փաստատթղթի
ընդունմանը: Ազգային ժողովն արդեն ընդունել էր օրենքը:
Սակայն Wikileaks-ի հրապարակած փաստաթուղթը վկայում է, որ Ֆրանսիայի
նախագահական պալատի դիվանագիտական խորհրդական Ժան Դավիդ Լեւիտը 2007թ.
մայիսի 29-ին Անկարայում թուրք զրուցակցին ասել է. «Սարկոզին երաշխավորում
է, որ Հայոց ցեղասպանության հերքման համար քրեական պատասխանատվություն
սահմանող օրինագիծը կհանգի Ֆրանսիայի Սենատում»:
Մենք այժմ ավելի լավ ենք հասկանում այդ մերժման քաղաքականության
ամբարտավանությունը, որն Անկարայի աջակցությամբ տարածվում է ֆրանսիական
կայքերում: Դա ցեղասպանության քաղաքական կողմն է, որը նույն ցեղասպանության
շարունակությունն է այլ միջոցներով: Դրա դեմ չեն պայքարի հասարակական
կարգի համար պատասխանատուները, դա կարժանանա Ֆրանսիայի նախագահի բարյացակամ
չեզոքությանը:
Ի՞նչ գին ունեն Ֆրանսիայի հայ համայնքին Նիկոլա Սարկոզիի ասած գեղեցիկ
խոսքերը, պատմությունից դաս քաղելու մասին հռետորությունը: Թուրքիայի
ներսում ձեւավորվում է հայերին ներողություն հայտնելու շարժում, իսկ
Ֆրանսիան նման նվեր է անում Անկարային: Հետո պետք չէ զարմանալ, որ
թուրքական իշխանությունները, ժպտալով Արեւմուտքին, Իրանին ուրան առաքելու
պայմանագիր են կնքում: Թուրքերը պայքարում են Գազայի հատվածի շրջափակման
դեմ, սակայն արդեն 16 տարի շրջափակված են պահում Հայաստանը: Թուրքերը
Իսրայելից թուրքական նավատորմի ինը զոհերի համար ներողություն են
պահանջում, սակայն երբեք մի խոսք չեն ասել 1915-ին զոհված 1,5 միլիոն
հայերի մասին:
Wikileaks-ում հայտնվել է նաեւ մեկ այլ դիվանագիտական ճեպագիր, որի
համաձայն Ֆրանսիայի արտգործնախարարության բարձրաստիճան պաշտոնյա Ռոլան
Գալարագը պաշտպանության հարցերով ամերիկացի քարտուղար Ուիլյամ Բերնսին ասել
է, որ Ֆրանսիայում ուժեղ հայ համայնքի առկայությունը խոչընդոտում է
Լեռնային Ղարաբաղում խաղաղություն հաստատելու առաջարկներին:
Հարց է ծագում, թե այդ ի՞նչ գեղեցիկ առաջարկներ ունի Ֆրանսիայի
արտգործնախարարությունը, որ կարող է առաջացնել հայկական արմատներով
ֆրանսիացիների դժգոհությունը: Ցավոք, պանթյուրքիզմի շահերի համար հայերին
դավաճանելու Ֆրանսիական Հանրապետության վաղեմի ավանդույթը շարունակվում է:
Մենք այստեղ չենք հիշատակի այդ վերաբերմունքի պատճառով զոհվածներին: Բայց
ինչպե՞ս մենք չզայրանանք, որ այսքան դժբախտություններից հետո այդ պրակտիկան
դեռ ուժի մեջ է:
Իրանական «Առման» օրաթերթը դեկտեմբերի 29-ի համարում անդրադարձել է Իրանի կինոյում հայերի ունեցած դերակատարությանը: Օրաթերթը
գրում է. «Իրանի կինոյի առաջացման և զարգացման գործընթացում հայերը կարևոր
դերակատարություն են ունեցել: Կարելի է թվարկել Հովհաննես Օհանյանսի,
Սամվել Խաչիկյանի, Ռուբիկ Մանսուրիի, Արբի Ավանեսյանի ու Վարուժ Քարիմ
Մասիհիի անունները:
Ժորժ Իսմայելովը առաջին անգամ 1909 թվականին Իրանում պատրաստեց առաջին
ճամփորդական կինոն: 1917-ին Ալեք Սագինյանը առաջին արդիական կինոսրահը
հիմնադրեց Թավրիզ քաղաքում»։
Օրաթերթը շարունակության մեջ թվարկում է կինոյի ասպարեզում
դերակատարություն ունեցած հայերի անունները: «Առմանը» գրում է. «1930-ին
Հովհաննես Օհանյանցը հիմնադրեց «Արտիստի Սինեմա» անունով կինոյի
ուսումնարանը: Նա նույն տարվա ընթացքում նկարահանեց իր առաջին ֆիլմը՝ «Աբի
ու Սաբի» անունով: Վարդան Հովհաննեսյանը արդիական մի շարք կինոսրահների
գծագրման հեղինակն է:
Միշա Կիրակոսյանն ու Հայկ Օջախյանը առաջին կինոպաստառները պատրաստեցին: Նաև
Սանասար Խաչատրյանը, Սեմիկ Կոնստանտինը, Ջանի Բաղդասարյանն ու Վահան
Տերփանչյանը հիմք դրեցին կինոնկարահանման ստուդիաների:
«Կինոյի աստղ» պարբերականը ամենաազդեցիկ ու երկարակյաց պարբերականն էր, որը
1953 թվականին հիմնադրվեց Պարույր Գալստյանի միջոցով: Սամվել Խաչիկյանը
ամենահայտնի հայ կինոռեժիսորն է, որը առաջին անոնսը պատրաստեց «Շիրազից մի
աղջիկ» ֆիլմի համար: Ալեքս Աղաբաբյանին էլ Իրանում կրկնօրինակման
առաջատարներից կարելի է համարել: Գուրգեն Գրիգորյանցը, Ռուբիկ Մանսուրին ու
Ռուբիկ Ծատուրյանն էլ ամրագրեցին ու զարգացրին Իրանի կինոյի տեխնիկական
հիմքեը:
1958-ին Զավեն Ղուկասյանը կարևոր դերակատարություն ունեցավ Իրանի կինոյի
տան հիմնադրման գործում: 1972-ին Արբի Ավանեսյանն իր «Աղբյուր» կինոյով նոր
շարժում առաջացրեց իրանական կինոյի ոլորտում:
Իրանի կինոյի հայ արտիստներից կարելի է հիշատակել Անիկ Շեֆրազյանի,
Արամայիս Հովսեփյանի, Իրեն Զազյանսի, Լորիկ Մինասյանի, Ժանետ Ավանեսյանի ու
Մահայա Պետրոսյանի անունները:
Կինոյի այլ ոլորտներում էլ կարելի հիշատակել հետևյալ հայերի անունները.
Լորիս Ճգնավորյան՝ երգահան, Տիգրան Թումանյան՝ լաբորատորի մասնագետ, Զավեն
Ղուկասյան՝ քննադատ, Անդրե Արզումանյան՝ երգահան, Մանֆրեդ Էսմայիլի՝
ռեժիսորի օգնական, Սիմոն Սիմոնյան՝ գրող և թարգմանիչ, Ռոբերտ Սաֆարյան՝
քննադատ և Արշակ Ղուկասյան՝ կրկնօրինակող»։
|
Категория: Мои файлы | Добавил: esthaylraber
|
Просмотров: 289 | Загрузок: 0
| Комментарии: 1
| Рейтинг: 0.0/0 |
|
|