«Բաց թողեք էդ տղերքին, թող Նոր տարին իրենց տանն անցկացնեն, բաց թողեք էդ տղերքին՝ Նոր տարին իրենց կանանց և երեխաների հետ անցկացնեն, եթե ոչ, եթե սա ձեզ դուր է գալիս, ապա և միջազգային, և ներքին ճնշումներն ավելանալու են, և մենք ոչ մի րոպե հանգիստ չենք մնալու, քանի դեռ կան քաղբանտարկյալներ։ Մեր հրատապ պահանջը քաղբանտարկյալների ազատ արձակումն է»,- ասաց Արամ Մանուկյանը։
Մանրամասն...
Սփյուռքի նախարար Հրանուշ Հակոբյանը ամփոփելով տարին, հայտարարել է, թե Սփյուռքի առումով կարեւոր խնդիրներից մեկը խառնամուսնություններն են: Այսինքն, Հրանուշ Հակոբյանի պատկերացմամբ, եթե սփյուռքահայերն ամուսնանում են այլազգիների հետ, դա խնդիր է: Կամ եթե շատ են ամուսնանում, դա է խնդիրը:
Ասենք, եթե տարեկան 50 ամուսնություն է լինում, լավ է, իսկ եթե ասենք 500, ապա դա վատ է: Ըստ երեւույթին, Սփյուռքի նախարարությունում հող է պատրաստվում նոր ծրագիր իրականացնելու եւ դրա դիմաց պետական փող ակնկալելու համար: Այդ նոր ծրագիրը կկոչվի ասենք "Արի տուն-պսակվիր տանը”` կամ "Կարգվիր տանը”, քանի որ Սփյուռքում մեծամասամբ հենց "կարգվել” են ասում, ոչ թե պսակվել: Կամ կարելի է ծրագիր իրականացնել "Կարգվեք զմիմեանս” անվանումով: Մի խոսքով, շտապ պետք է փող ծախսել, որ խառնամուսնությունների հարցը լուծվի, եւ մեր "ազնիվ ցեղը” չգնա կորի:   
Մանրամասն...