Քվորումի բացակայության պատճառով քվեարկությունը ԱԺ-ում Արցախի անկախության ճանաչման վերաբերյալ չի կայացել

2013թ. երկրաշարժից տուժած բոլոր ընտանիքները
ապահովված կլինեն բնակարաններով

22 տարի առաջ դեկտեմբերի 7—ին, ժամը 11։41—ին մի քանի վայրկյանում ավելի քան 9 բալանոց հուժկու ցնցումից ավերվեցին Հայաստանի 21 քաղաքներ եւ 324 գյուղեր։ Հողին հավասարվեցին Սպիտակ քաղաքն ու հարակից գյուղերը, քանդվեց Լենինականի (ներկայումս՝ Գյումրի) շինությունների 80 տոկոսը, մեծ վնաս կրեց Վանաձորը։ Բնական արհավիրքն ընդգրկեց երկրի տարածքի ավելի քան 40%—ը՝ Շիրակի, Լոռու, Արագածոտնի ու Տավուշի մարզերը։ Պաշտոնական տվյալներով, բնական աղետը խլեց 25 հազար մարդու կյանք, 100 հազարը ստացան մարմնական տարբեր աստիճանի վնասվածքներ, 530 հազար ընտանիք մնաց անօթեւան։
Երկու տասնամյակ անց էլ դեռ զգալի են ողբերգության նյութական եւ բարոյական հետեւանքները։ Այդուհանդերձ, անցած տարիներին հսկայածավալ շինարարություն է իրականացվել, եւ ՀՀ իշխանությունները գործադրում են հնարավոր բոլոր ջանքերը բնակավայրերի եւ ենթակառուցվածքների վերականգնման աշխատանքներն ավարտին հասցնելու համար։ Իսկ երկրաշարժի հետեւանքով բնակարանից զրկված եւ սեփական անկյունի կարիք ունեցող դեռեւս 7 հազար ընտանիքների բնակապահովման խնդիրը նախատեսվում է լուծել մինչեւ 2013 թ. ներառյալ։