PanARMENIAN.Net - Հայաստանի նախագահ Սերժ Սարգսյանը
նոյեմբերի 30-ին աշխատանքային այցով կմեկնի Ղազախստան` մասնակցելու
դեկտեմբերի 1-2-ը Աստանայում կայանալիք Եվրոպայի անվտանգության եւ
համագործակցության կազմակերպության (ԵԱՀԿ) 7-րդ գագաթնաժողովին: Ինչպես
հայտնում է նախագահի մամլո ծառայությունը, այցի շրջանակներում
Հանրապետության ղեկավարը կունենա նաև երկկողմ հանդիպումներ:
Լեռնային
Ղարաբաղի հակամարտության կարգավորման համար անհրաժեշտ է երկու կողմերի
կառուցողական մոտեցումը և ոգին, որպեսզի հնարավոր լինի տարածաշրջանում
հասնել խաղաղության, և դա Մինսկի խմբի և ԵԱՀԿ նախագահի խնդիրն է։ Կիրակի
Աստանայում տեղի ունեցած ասուլիսի ժամանակ հայտարարել է ԵԱՀԿ գլխավոր
քարտուղար Մարկ Պերեն դե Բրիշամբոն։ «Եկել է էջը շրջելու ժամանակը, որպեսզի
երկու հարևան երկրները կարողանան
ապրել բարեկամության և համագործակցության մթնոլորտում։ Անհրաժեշտ է
լուծել ԼՂ հակամարտությունը»,– հայտարարել է Բրիշամբոն։ Ինչպես հայտնում է
trend.az–ը, Մինսկի խմբի ներկայացուցիչները կիրակի ժամանել են Աստանա։
(Tert.am)
Մինչև հունվար մենք կունենանք արքայական գամբիթ, եթե… կանխատեսում է մարքսիստը
Աստանայում
կայանալիք ԵԱՀԿ գագաթնաժողովի ժամանակ Հայաստանի իշխանական այրերին պետք է
զսպաշապիկ հագցնեն։ Այս մասին այսօրվա ասուլիսի ժամանակ ասաց Հայաստանի
մարքսիստական կուսակցության նախագահ Դավիթ Հակոբյանը՝ հղում անելով
միջազգային մամուլի էջերում տեղ գտած վարկածներին։
Մանրամասն...Հայ շախմատիստների հաղթարշավը շարունակվում է
(Հայաստանի 5-րդ անընդմեջ հաղթանակը Թուրքիայում)
Նոյեմբեր 30, 2010
Թուրքիայում անցկացվող շախմատի համաշխարհային պատանեկան Օլիմպիադայում
Հայաստանի հավաքականը տարավ 5-րդ անընդմեջ հաղթանակը` 3:1 հաշվով
առավելության հասնելով Հնդկաստանի հավաքականի նկատմամբ: Պարտիան հաղթանակով
ավարտեցին Կարեն Գրիգորյանը, Հովհաննես Գաբուզյանը եւ Դավիթ Շահինյանը:
Պարտվեց Ռոբերտ Աղասարյանը: Հայաստանը հինգ տուրերում տարած հինգ
հաղթանակով գլխավորում է մրցաշարային աղյուսակը: Երկու միավոր է հետ
Թուրքիայի հավաքականը: (news.am)