.
Պավել Սարգսյան
,,Մենք,, ազգային արժեքների պահպանման հիմնադրամի համահիմնադիր և գլխավոր տնօրեն
Որպես հայ և որպես ՀՀ քաղաքացի` միշտ էլ
մեծ ակնածանք եմ տածել Հայաստանի պետական ու ազգային խորհրդանիշների,
հատկապես` դրոշի հանդեպ: ՀՀ պետական դրոշին նվիրված այս կայքի ստեղծմամբ
նպատակ ենք ունեցել նորահաս սերնդի շրջանում սերմանել պետության և ժողովրդի
կարևորագույն խորհրդանիշի արժևորման բարձր գիտակցությունը: Այդ նույն
նպատակով ստեղծեցինք նաև ,,Մենք,, ազգային արժեքների պահպանման հիմնադրամը,
որը զբաղվելու է վերը նշված գաղափարների կենսագործմամբ:
Մեր նպատակներից մեկն էլ հանրությանը ՀՀ
պետական դրոշի ամենամյա տոն սահմանելու և հունիսի 15-ին` ,,ՀՀ դրոշի
մասին,, 2006թ օրենքի ընդունման օրը, այդ տոնական միջոցառումն անցկացնելու
վերաբերյալ մեր նախաձեռնություն-ծրագրին ծանոթացնելն ու նախապատրաստելն է:
Մեր դռները բաց են բոլորի համար, ովքեր պատրաստակամ են իրենց
ներկայությունն ու մասնակցությունն ապահովել հունիսի 15-ի
տոնակատարությանը:
Այսօրինակ նախաձեռնություններն ու
միջոցառումները մեզ ավելի համախմբված ու միասնական են դարձնում: Վստահ եմ`
սրանք արժեքներ են, որոնք ոչ մի հայի անտարբեր չեն թողնի:
| 