Սիրով
տեղեկացնում եմ Ձեզ, որ ՀՀ սփյուռքի նախարարությունն այս տարվա ընթացքում
նախատեսում է կազմակերպել տեսակոնֆերանսեր ՀՀ սփյուռքի նախարարության և
սփյուռքյան համայնքների միջև:
Հայաստան-Սփյուռք գործակցության
ամրապնդման համար կարևոր դեր կարող են ունենալ տեսակոնֆերանսները:
Ինտերնետի միջոցով կապ ստեղծելով իրարից հազարավոր կիլոմետրեր հեռու գտնվող
երկու կետերի միջեւ` հեռուստակոնֆերանսը հնարավորություն է ընձեռում
աշխարհի տարբեր երկրներում գտնվող մարդկանց իրար հետ շփվելու, քննարկումներ
անցկացնելու, խորհրդակցելու միմյանց հետ ինչպես ձայնով, այնպես էլ
տեսապատկերով: Տեսակոնֆերանսը կապի բոլոր միջոցներից ավելի լավ ստեղծում է
ներկայության էֆեկտ և կարող է դառնալ հզոր գործիք Սփյուռքի հայկական
համայնքների, կազմակերպությունների և Հայաստանի միջև ամուր
գործընկերություն ստեղծելու համար:Այս առնչությամբ ցանկալի կլիներ նման
տեսակոնֆերանս կազմակերպել նաև Ձեր և Ձեր բնակության երկրի հայ համայնքի
մյուս ներկայացուցիչների հետ:
Տեսակոնֆերանսը պատշաճ կերպով
կազամկերպելու համար Ձեզ անհրաժեշտ կլինի սրահ, որտեղ կհավաքվեն մեր
հայրենակիցները, ինչպես նաև սարքավորումներ` (մեծ էկրան կամ պրոեկտոր)
նախատեսված հատուկ հեռուստակամուրջների համար: Սարքերը մասնագիտական են`
Polycom, Sony, Tandberg եւ այլ ֆիրմաների, և սովորաբար թանկարժեք են:
Սակայն, եթե ձեռքի տակ չկան դրանք և միջոցներ դրանք ձեռք բերելու համար,
ապա փոխարինել կարելի է հասարակ համակարգչով, կենցաղային տեսախցիկով և
ստանալ գրեթե նույն արդյունքը:
Հեռուստակամուրջի միացման սխեման
բերված է ստորև: ՀՀ սփյուռքի նախարարության տեղեկատվության և
հեռահաղորդակցության վարչության աշխատակիցներն անհրաժեշտության դեպքում Ձեզ
կօգնեն համապատասխան խորհրդատվությամբ:
Հեռուստակամուրջի
մասնագիտացված սարքավորումներ / տեղեկություններ դրանց մասին կարող եք
ստանալ http://www.videosvyaz.ru
կայքից/
Սպասում ենք Ձեր պատասխանին և հուսով ենք, որ մեզ
կհաջողվի միասին իրականացնել այս հետաքրքիր նախաձեռնությունը:
