Ս.Սարգսյան. Թուրքիայի հետ ներկա պահին խոսելիք
չունենք 02.06.2010
ՀՀ Նախագահ Սերժ
Սարգսյանը, ելույթ ունենալով Դոնի Ռոստովում հայ համայնքի
ներկայացուցիչների առջև, անդրադարձել է Հայաստանի ներկա քաղաքական
իրավիճակին:
«Դուք իհարկե տեղյակ եք, որ մենք սառեցրել ենք
հայ-թուրքական արձանագրությունների վավերացման գործընթացը: Դրա հիմնական
պատճառը շատ պարզ է. Թուրքիան այսօր պատրաստ չէ վավերացնել
արձանագրությունները: Դրա տապալումն արդարացնելու նպատակով նա նորանոր
նախապայմաններ է առաջ քաշում: Ավելին` նա փորձում է ներխուժել մի ոլորտ, ես
նկատի ունեմ Արցախյան հարցի լուծման գործընթացը, որտեղ ակնհայտորեն անելիք
չունի: Ոչ հուսալի և անվստահելի գործընկերոջ հետ, որ պարբերաբար խախտում է
նախնական պայմանավորվածությունները, մենք ներկա պահին խոսելիք չունենք», -
շեշտել է Սերժ Սարգսյանը:
Հիշեցնելով համահայկական
ուղևորության ընթացքում Դոնի Ռոստովում իր ունեցած հանդիպման ժամանակ հնչած
մտքերը, մտահոգություններն ու գաղափարները` ՀՀ նախագահը նշել է, որ
«ժամանակը ցույց տվեց, որ Եվրոպայի վերջին փակ սահմանը բացելու համար մենք
մեր կողմից արեցինք առավելագույնը, իսկ Թուրքիան պատրաստ չէ դրան»:
«Ինչ վերաբերում է Լեռնային Ղարաբաղի խնդրին, ապա մենք աներկբա հնչեցրել
ենք, որ Արցախի ժողովրդի ինքնորոշման իրավունքը մենք չենք պատրաստվում
սակարկել որևէ մեկի հետ», - հայտարարել է Սերժ Սարգսյանը: ԱՅՍՕՐ,
Aysor.am
ՀՀ սփյուռքի նախարար Հրանուշ Հակոբյանն ընդունեց
ֆրանսահայ Խաչիկ Յիլմազյանին
Հունիսի
1-ին ՀՀ սփյուռքի նախարար Հրանուշ Հակոբյանն ընդունեց Մարսելի
«Սահակ-Մեսրոպ մշակույթի կենտրոնի» տնօրեն և համանուն երգչախմբի
գեղարվեստական ղեկավար Խաչիկ Յիլմազյանին: ավելին...
Ստոկհոլմում
կայացել է Հայոց ցեղասպանությանը
նվիրված սեմինար
