Սերժ Սարգսյանն ու Հիլարի Քլինթոնը քննարկել են հայ-թուրքական
գործընթացի հեռանկարները
14.04.2010
Երեկ` ապրիլի 13-ին Գլոբալ Միջուկային անվտանգության համաժողովի
շրջանակում ՀՀ նախագահ Սերժ Սարգսյանը հանդիպել է ԱՄՆ պետքարտուղար Հիլարի
Քլինթոնի հետ:
Ինչպես NEWS.am-ը տեղեկանում է նախագահի
մամուլի ծառայությունից, զրուցակիցները քննարկել են Հայաստանի եւ Թուրքիայի
հարաբերությունների կարգավորման հեռանկարները: ԱՄՆ պետքարտուղարը
վերահաստատել է ԱՄՆ Նախագահ Բարաք Օբամայի հորդորը` շարունակելու Հայաստանի
եւ Թուրքիայի միջեւ առանց նախապայմանների հարաբերությունների կարգավորման
գործընթացը: Սերժ Սարգսյանն ու Հիլարի Քլինթոնը քննարկել են հայ-ամերիկյան
երկկողմ հարաբերություններին, ինչպես նաեւ ԵԱՀԿ Մինսկի խմբի շրջանակներում
ընթացող ԼՂ հիմնահարցի խաղաղ կարգավորման գործընթացին առնչվող հարցեր:
ՀՀ Նախագահ Սերժ Սարգսյանը նույն օրը հանդիպել է ԱՄՆ կոնգրեսի անդամ
Ադամ Շիֆի հետ: Զրույցի ընթացքում Սերժ Սարգսյանը շնորհակալություն է
հայտնել կոնգրեսականին` ԱՄՆ կոնգրեսում Հայոց Ցեղասպանության ճանաչմանն
ուղղված գործուն ջանքերի, ինչպես նաեւ Հայաստանին ու Արցախին ցուցաբերած
աջակցության համար
(NEWS.am)
Աղբյուր. http://news.am/am/news/18996.html
|