Դեկտեմբերի
20-ի երեկոյան Հանրապետության հրապարակում քաղաքապետ Տարոն Մարգարյանն
անձամբ վառեց տոնական լույսերը: 31 մետր բարձրությամբ տոնածառը տոնական
կերպարանք ստացավ:
PanARMENIAN.Net
- Մայրաքաղաքում ամանորյա տոնական միջոցառումների մեկնարկը տրվեց: Երևանի
քաղաքապետ Տարոն Մարգարյանը Հանրապետության հրապարակում հավաքված
երևանցիների ու քաղաքի հյուրերի հետ միասին նախ դիտեց Ամանորյա եռաչափ
գրաֆիկական շոու ծրագիրը, որից հետո հանդիսավորությամբ միացրեց
հանրապետության գլխավոր տոնածառի լույսերը:
31 մետր բարձրությամբ տոնածառը
հավաքվել է սանիտարական էտումից հետո մարզերից բերված բնական եղևնիների ու
սոճիների 6000 ճյուղերով: Տոնածառը զարդարված է 4000 խաղալիքներով ու
ավելի քան 32000 լուսադիոդային լամպերով: Ի դեպ, մայր եղևնու լույսերի
միացմանը զուգահեռ, լուսավորվեցին նաև մայրաքաղաքի բոլոր վարչական
շրջանների տոնածառերը, գլխավոր ու երկրորդական փողոցներում էլ գործարկվեցին
տոնական լուսավորության համակարգերը: Իսկ Հանրապետության հրապարակում
տոների մեկնարկն ազդարարող հանդիսությունն ուղեկցվեց գեղեցիկ հրավառությամբ
ու տոնական համերգային ծրագրով, հաղորդում է քաղաքապետարանի մամլո
ծառայությունը:
Քաջարան գյուղի խնդրով մտահոգ բնապահպանների խոստացված տեսանյութն արդեն
հայտնվել է համացանցում: Այստեղ Սյունիքի մարզպետ Սուրիկ Խաչատրյանը
վիճաբանելով բնապահպանների հետ` նրանց հավատացնում է, որ ինքը կանգնած է
ժողովրդի կողքին, ինչին խիստ կասկած են հայտնում ակտիվիստները: Նա
հանդիմանում է բնապահպան Մարիամ Սուխուդյանին հետևյալ արտահայտությամբ. «Այ
Ճպուռ, քիչ խոսա»: Տեսանյութից պարզ է դառնում նաև, որ մարզպետն իսկապես
Մարիամ Սուխուդյանին սպառնում է՝ ասելով. «նայի քեզ բան չլինի»: