«Այսօրվանից Ձեզ կարող եք համարել ԵԺԿ մեծ ընտանիքի անդամ». «Եվրոպական ժողովրդական կուսակցության» նախագահը՝ Սերժ Սարգսյանին

 Եվրոպական ժողովրդական կուսակցության (ԵԺԿ) նախագահ Վիլֆրիդ Մարտենսը ՀՀ նախագահ Սերժ Սարգսյանին հրավիրել է մասնակցելու վաղը կայանալիք Եվրոպական երկրների ու կառավարությունների ղեկավարների գագաթաժողովին: Հրավերքը նա արել է ԵԺԿ կոնգրեսի առաջին լիագումար նիստում ունեցած ելույթի ընթացքում։ ԵԺԿ 20-րդ կոնգրեսին մասնակցում են ԵԺԿ-ին անդամակցող կուսակցությունների ղեկավարներ, որոնց մեծ մասը երկրների վարչապետեր կամ նախագահներ են՝ այդ թվում Գերմանիայի կանցլեր Անգելա Մերկելը, Ֆրանսիայի նախագահ Նիկոլա Սարկոզին, Իսպանիայի նորընտիր վարչապետ Մարիանո Ռախոյը։ Հետխորհրդային տարածքից համաժողովին ՀՀ նախագահից բացի մասնակցում են նաև Վրաստանի և Մոլդովայի նախագահները։