Статистика |
Онлайн всего: 1 Гостей: 1 Пользователей: 0 |
|
Мой сайт |
|
Главная » 2011 » Февраль » 23 » ԱԶԴ, ՀԱՅՏԱՐԱՐՈՒԹՅՈՒՆՆԵՐ / РЕКЛАМА
19:27 ԱԶԴ, ՀԱՅՏԱՐԱՐՈՒԹՅՈՒՆՆԵՐ / РЕКЛАМА |
ՀԱՐԳԵԼԻ ՀԱՅՐԵՆԱԿԻՑՆԵՐ, ՀՀ սփյուռքի նախարարությունը վերսկսում է Սփյուռքի երիտասարդության` Հայաստան պարբերական այցելությունների «Արի տուն» ծրագիրը` նորացված և բարելավված: Ծրագրի նպատակն է աշխարհասփյուռ հայ երիտասարդներին ճանաչելի դարձնել Հայաստան-Հայրենիքը, նրանց մեջ սերմանել ազգային արժեքներ, զարգացնել ազգային ինքնագիտակցությունը, ծանոթացնել իր ժողովրդի ավանդույթներին ու սովորույթներին, հայ ընտանիքին, հայ մարդու հոգեկերտվածքին, աջակցել Հայաստան-Սփյուռք բարոյահոգեբանական, կրթամշակութային կապերի ամրապնդմանը: Ծրագիրը մեկնարկում է 2011թ. հունիսին` 10 փուլով, որի ընթացքում Սփյուռքի 13-20 տարեկան երիտասարդների խմբերը 2 շաբաթով կհյուրընկալվեն հայաստանաբնակ ընտանիքներում և իրենց հայաստանցի հասակակիցների հետ կմասնակցեն «Արի տուն» ամառային ճամբարին: Երիտասարդներն ընտանիքներում հյուրընկալվում են անշահախնդիր և անհատույց: Սփյուռքի հայ համայնքներում երիտասարդական խմբերի ձևավորումն իրականացվում է Սփյուռքի համայնքային կառույցների, կրթօջախների, հայկական կազմակերպությունների կողմից` տվյալ երկրում ՀՀ դիվանագիտական ներկայացուցչությունների, հյուպատոսական հիմնարկների աջակցությամբ: Հայաստան այցելող երիտասարդներն իրենց ճանապարհածախսը պետք է հոգան սեփական կամ հովանավորների միջոցներով: «Արի տուն» ծրագրի շրջանակներում ՀՀ սփյուռքի նախարարության միջոցներով նախատեսվում է ապահովել երիտասարդների դիմավորումը և ճանապարհումը, իրականացվելու է միջոցառումների լայն ծրագիր, որի ընթացքում նախատեսվում են Սփյուռքի և հայաստանցի երիտասարդ հասակակիցների ակտիվ շփումներ, հայրենակցական կապերի ստեղծում, ծանոթացում ՀՀ պատմամշակութային հուշարձաններին, հայոց պատմությանը, շրջայցեր` Հայաստանի տեսարժան վայրեր, համերգների, թատերական ներկայացումների, փառատոների, ցուցահանդեսների դիտումներ: Ճամբարում կիրականացվեն նաև ուսուցողական ծրագրեր` հայոց լեզու, գրականություն, հայ ժողովրդի և հայ եկեղեցու պատմություն, մասնակցություն երգի, պարի, գեղարվեստի խմբակներին: Կկազմակերպվեն հանդիպումներ Հայաստանի Հանրապետության պետական պաշտոնյաների և տարբեր ոլորտների հայտնի անհատների հետ: Ծրագրի մասնակիցներին Հայաստան մուտքի արտոնագրերը (ծրագրի մասնակցության ժամանակահատվածում) տրամադրվում են անվճար: Համոզված ենք, որ «Արի տուն» ծրագիրը մեծապես կնպաստի հայապահպանությանը և հայադարձությանը, երիտասարդների միջև հաղորդակցության միասնական ցանցի ստեղծմանը: «Արի տուն» ծրագրի շրջանակներում կազմակերպական միջոցառումների իրականացումը կապահովեն ՀՀ սփյուռքի նախարարությանը կից ձևավորված միջգերատեսչական համակարգող խորհուրդը և աշխատանքային խմբերը: ԾԱՆՈԹՈՒԹՅՈՒՆ. «Արի տուն»-2011թ. ծրագրին չեն կարող մասնակցել նախորդ տարիներին արդեն մասնակցած երիտասարդները: «Արի տուն»-2011թ փուլերն են. 1 Հունիսի 19 – Հուլիսի 3 2 Հունիսի 26 – Հուլիսի 10 3 Հուլիսի 10– Հուլիսի 24 4 Հուլիսի 17 – Հուլիսի 31 5 Հուլիսի 31 – Օգոստոսի 14 6 Օգոստոսի 7 – Օգոստոսի 21 7 Օգոստոսի 21- Սեպտեմբերի 4 8 Օգոստոսի 28 – Սեպտեմբերի 11 9 Սեպտեմբերի 4 – Սեպտեմբերի 18 10 Սեպտեմբերի 11 - Սեպտեմբերի 25 Լրացուցիչ տեղեկությունների համար կարող եք դիմել ՀՀ սփյուռքի նախարարություն Հասցե` ՀՀ ք.Երևան 0010, Վ. Սարգսյան 26/1, Հեռ.` (+37410) 58-56-01/117/ Հեռապատճեն` (+37410) 58-91-57 էլ.հասցե: allarmenian@mindiaspora.am, aritun@mindiaspora.am
|
Просмотров: 500 |
Добавил: esthaylraber
| Рейтинг: 0.0/0 |
|
|